പാർട്ടി പ്രവർത്തകരുടെ വിരലടയാളം അടക്കമുള്ള വിവരം ശേഖരിക്കുന്നു; കണ്ണൂരിൽ പൊലീസിനെതിരെ സിപിഎം

NOVEMBER 3, 2026, 11:10 PM

കണ്ണൂർ: കണ്ണൂരിൽ പൊലീസിനെതിരെ ഗുരുതര ആരോപണവുമായി സിപിഎം ജില്ലാ നേതൃത്വം.

രാഷ്ട്രീയ സംഘർഷത്തിന്റെ പേരിൽ പൊലീസ് പാർട്ടി പ്രവർത്തകരെ വിളിച്ചു വരുത്തി വിരലടയാളം അടക്കമുള്ള സ്വകാര്യ വിവരം ശേഖരിക്കുന്നുവെന്ന് സിപിഎം ആരോപിച്ചു. യുഡിഎഫ് സർക്കാരിന്റെ രാഷ്ട്രീയ തീരുമാനത്തിന്റെ ഭാഗമാണോ ഇത്തരം നടപടിയെന്ന് ജില്ലാ സെക്രട്ടറി കെ കെ രാഗേഷ് ചോദിച്ചു.

അടിപിടി കേസുകളിൽ ഉൾപ്പെട്ട പാർട്ടിക്കാരെ വിളിച്ച് വരുത്തി വിരലടയാളം ശേഖരിക്കുകയും കണ്ണിൻറെ ഉൾപ്പടെയുള്ള ബയോമെട്രിക് വിവരങ്ങൾ ശേഖരിക്കുക തുടങ്ങിയവയാണ് പൊലീസ് ചെയ്യുന്നത്. ഇത് കാടത്തമാണെന്നും സിപിഎം കണ്ണൂർ ജില്ലാ നേതൃത്വം പറഞ്ഞു.