ന്യൂയോർക്ക്: ഐ.ബി.എം ചെയർമാനും സി.ഇ.ഒയുമായ അരവിന്ദ് കൃഷ്ണ ഫെഡറൽ റിസർവ് ബാങ്ക് ഓഫ് ന്യൂയോർക്കിന്റെ ഡയറക്ടർ ബോർഡിലേക്ക് വീണ്ടും തിരഞ്ഞെടുക്കപ്പെട്ടു. 2029 ഡിസംബർ 31 വരെയുള്ള മൂന്ന് വർഷത്തേക്കാണ് പുതിയ നിയമനം.
പൊതുജനങ്ങളെ പ്രതിനിധീകരിക്കുന്ന 'ക്ലാസ് ബി' ഡയറക്ടറായാണ് അദ്ദേഹം തുടരുക. സെക്കൻഡ് ഫെഡറൽ റിസർവ് ഡിസ്ട്രിക്റ്റിലെ ചെറുകിട ബാങ്കുകളുടെ കൂട്ടായ്മയായ 'ഗ്രൂപ്പ് 3' അംഗങ്ങളാണ് അദ്ദേഹത്തെ തിരഞ്ഞെടുത്തത്. 2022 മുതൽ ബോർഡിൽ അംഗമായ അരവിന്ദ് കൃഷ്ണ, 2023ലും വീണ്ടും തിരഞ്ഞെടുക്കപ്പെട്ടിരുന്നു.
ഐ.ഐ.ടി കാൺപൂർ പൂർവ്വ വിദ്യാർത്ഥിയായ അദ്ദേഹം 2020 ഏപ്രിലിലാണ് ഐ.ബി.എമ്മിന്റെ സി.ഇ.ഒ ആയത്. വാണിജ്യം, വ്യവസായം, തൊഴിൽ, ഉപഭോക്തൃ താൽപ്പര്യങ്ങൾ എന്നിവയ്ക്ക് പ്രാധാന്യം നൽകിക്കൊണ്ട് സെൻട്രൽ ബാങ്കിന് പുറത്തുനിന്നുള്ള സാമ്പത്തിക കാഴ്ചപ്പാടുകൾ ബോർഡിൽ എത്തിക്കാൻ അദ്ദേഹത്തിന്റെ സാന്നിധ്യം സഹായിക്കും.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
