-20261029123754.jpg)
ദില്ലി: എപ്സ്റ്റീൻ ഫയൽസുമായി ബന്ധപ്പെട്ട വിവാദങ്ങൾ ശക്തമായി തുടരുന്നതിനിടയിലും കേന്ദ്ര പെട്രോളിയം മന്ത്രി ഹർദീപ് സിംഗ് പുരിയെ മധ്യപ്രദേശിൽനിന്നുള്ള രാജ്യസഭാ ഉപതെരഞ്ഞെടുപ്പിൽ ബിജെപി സ്ഥാനാർഥിയായി പ്രഖ്യാപിച്ചു. മധ്യപ്രദേശില്‍ നിന്നാണ് ഹര്‍ദീപ് സിങ് പുരി മത്സരിക്കുക. കേന്ദ്രമന്ത്രി എല്‍ മുരുകന്‍ രാജിവെച്ചൊഴിഞ്ഞ സീറ്റാണ് ഹര്‍ദീപ് പുരിക്ക് നല്‍കിയിരിക്കുന്നത്.
നവംബർ 12നു നടക്കുന്ന രാജ്യസഭാ ഉപതെരഞ്ഞെടുപ്പിലാണ് അദ്ദേഹം മത്സരിക്കുക. നേരത്തേ ഉത്തർപ്രദേശിൽനിന്നുള്ള സ്ഥാനാർഥിപ്പട്ടികയിൽനിന്ന് അദ്ദേഹത്തെ ഒഴിവാക്കിയത് മന്ത്രിസഭയിൽനിന്നു നീക്കുന്നതിന്‍റെ ഭാഗമായാണെന്ന് കരുതിയിരുന്നെങ്കിലും പുതിയ പ്രഖ്യാപനത്തോടെ ഇക്കാര്യത്തിൽ വ്യക്തത വന്നിരിക്കുകയാണ്.
രാജ്യസഭയില്‍ ഉത്തര്‍പ്രദേശില്‍ നിന്നുള്ള അംഗമായ ഹര്‍ദീപ് സിങ് പുരിയുടെ കാലാവധി നവംബര്‍ 25ന് അവസാനിക്കുകയാണ്. നേരത്തെ ഉത്തര്‍പ്രദേശില്‍ നിന്നുള്ള സ്ഥാനാര്‍ഥി പട്ടികയില്‍ നിന്ന് ഹര്‍ദീപ് സിങ് പുരിയെ തഴഞ്ഞിരുന്നു.
മുന്‍ ഐഎഫ്എസ് ഓഫീസറായിരുന്ന ഹര്‍ദീപ് പുരി 2014 ജനുവരിയിലാണ് ബിജെപിയില്‍ ചേര്‍ന്നത്. അടുത്തിടെ എപ്സ്റ്റീനുമായി ഹര്‍ദീപ് സിങ് പുരി നടത്തിയ കൂടിക്കാഴ്ചയുടെ ചിത്രങ്ങള്‍ പുറത്തുവന്നത് രാഷ്ട്രീയവിവാദമായിരുന്നു. ഈ പശ്ചാത്തലത്തില്‍ രാജ്യസഭയില്‍ കാലാവധി അവസാനിക്കുന്ന ഹര്‍ദീപ് പുരിയെ കേന്ദ്രമന്ത്രി സഭയില്‍ നിന്നും ഒഴിവാക്കിയേക്കുമെന്ന് അഭ്യൂഹങ്ങളുണ്ടായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261029125831.jpg)
-20261029124730.jpg)
-20260320092004.webp)
-20261029123754.jpg)
-20261029120039.jpg)
-20261028115131.jpg)
-20261028114047.jpg)
