ഡാളസിലെ മൂവി തിയറ്ററിലുണ്ടായ തീപിടിത്തത്തിൽ നാശനഷ്ടങ്ങൾ

SEPTEMBER 1, 2026, 11:27 PM

ഡാളസ്: ഡാളസിലെ യു.എസ്75 നും ഡബ്ല്യു. സ്പ്രിംഗ് വാലി റോഡിനും സമീപമുള്ള 'സ്റ്റുഡിയോ മൂവി ഗ്രിഡ്' തിയറ്ററിലുണ്ടായ തീപിടിത്തത്തിൽ വൻ നാശനഷ്ടങ്ങൾ. ആഗസ്റ്റ് 31 തിങ്കളാഴ്ച വൈകിട്ട് നാല് മണിയോടെയാണ് സംഭവം

ഇരുനില കെട്ടിടത്തിന്റെ മുകളിൽ നിന്ന് പുകയും തീയും ഉയരുന്നത് കണ്ട് ഡാളസ് ഫയർറെസ്‌ക്യൂ സേനയെ വിവരം അറിയിക്കുകയായിരുന്നു. അഗ്‌നിശമന സേന എത്തുന്നതിന് മുൻപ് തന്നെ ജീവനക്കാരും ഉപഭോക്താക്കളും കെട്ടിടത്തിൽ നിന്ന് സുരക്ഷിതമായി ഒഴിപ്പിക്കപ്പെട്ടിരുന്നു.

കെട്ടിടത്തിന്റെ പ്രധാന ലോബിക്ക് മാത്രമാണ് തീപിടിത്തത്തിൽ ആന്തരികമായി നാശനഷ്ടം സംഭവിച്ചിട്ടുള്ളതെന്നും, തിയറ്ററുകൾ സുരക്ഷിതമാണെന്നും അധികൃതർ അറിയിച്ചു. ആളപായമൊന്നും റിപ്പോർട്ട് ചെയ്തിട്ടില്ല.