യൂത്ത് കോൺഗ്രസ് സംസ്ഥാന ജന. സെക്രട്ടറി ഉൾപ്പെട്ട ആത്മഹത്യപ്രേരണ  കേസിലെ പ്രധാന തെളിവ് കാണാനില്ല

NOVEMBER 19, 2026, 12:30 AM

പത്തനംതിട്ട: യൂത്ത് കോൺഗ്രസ് സംസ്ഥാന ജന. സെക്രട്ടറി സുഹൈൽ അൻസാരി ഉൾപ്പെട്ട ആത്മഹത്യപ്രേരണ  കേസിലെ പ്രധാന തെളിവ് കാണാനില്ല. യുവതി തൂങ്ങിമരിക്കാൻ ഉപയോഗിച്ച തുണി (ഷാൾ) കാണാനില്ലെന്ന് നിലവിലെ ഏനാത്ത് സ്റ്റേഷൻ ഹൌസ് ഓഫീസറുടെ മൊഴി.

 ഷാൾ ഏനാത്ത് സ്റ്റേഷനിലെ തൊണ്ടിമുറിയിൽ ഇല്ലെന്ന് നിലവിലെ എസ്എച്ച്ഒ സ്റ്റേറ്റ് ക്രൈം ബ്രാഞ്ചിന് മൊഴി നൽകി. സുഹൈലിന്റെ അറസ്റ്റിലേക്ക് നയിച്ച ആത്മഹത്യാക്കുറിപ്പുകളിലും ദുരൂഹത തുടരുകയാണ്. ഇതിനിടെ കേസിൽ ഏനാത്ത് പൊലീസിൻറെ വീഴ്ച ആരോപിച്ച് സിസിടിവി ദൃശ്യം പുറത്ത് വന്നിരുന്നു.

യുവതിക്ക് ഭർത്താവിൽ നിന്ന് മർദ്ദനമേറ്റ വിവരം പൊലീസ് അറിഞ്ഞിരുന്നുവെന്ന് തെളിയിക്കുന്നതാണ് വീഡിയോ. യുവതിയ്ക്ക് മർദ്ദനമേറ്റിട്ടുണ്ടെന്ന് സി.ഐ എസ്ഐയോട് പറയുന്ന സ്‌റ്റേഷനിലെ സിസിടിവി ദൃശ്യമാണ് പുറത്തു വന്നത്. സംഭവം നടന്ന 2026 ഫെബ്രുവരി 14ന് രാവിലെ 10.10നാണ് മരിച്ച യുവതിക്ക് മർദ്ദനമേറ്റതിനെ കുറിച്ച് സിഐ സംസാരിക്കുന്നത്.

vachakam
vachakam
vachakam

സഹപ്രവർത്തകയുടെ മരണത്തിൽ എട്ടുമാസം മുൻപാണ് ആത്മഹത്യാപ്രേരണയ്ക്ക് സുഹൈൽ അറസ്റ്റിലാകുന്നത്. പത്തനംതിട്ട കടമ്പനാട് സ്വകാര്യ സ്കൂളിലെ റിസപ്ഷനിസ്റ്റും ജീവനക്കാരിയുമായ യുവതിയെ ഫെബ്രുവരി 14ന് പുലർച്ചെ വീട്ടിൽ തൂങ്ങി മരിച്ച നിലയിൽ കണ്ടെത്തുകയായിരുന്നു. സ്വകാര്യ സ്കൂളിൽ സുഹൈലിൻറെ സഹപ്രവർത്തകയായിരുന്നു മരിച്ച 35കാരി. ഏനാത്ത് പൊലീസ് തന്നെ കള്ളകേസിൽ കുടുക്കിയതാണെന്ന സുഹൈലിന്റെ പരാതിയിലാണ് ഇപ്പോഴത്തെ ക്രൈംബ്രാഞ്ച് അന്വേഷണം. സുഹൈലിൻറെ പരാതിയിൽ നടത്തിയ അന്വേഷണത്തിനൊടുവിൽ യുവതിയുടെ ഭർത്താവിനെ ക്രൈംബ്രാഞ്ച് അറസ്റ്റ് ചെയ്തതോടെയാണ് പൊലീസ് വീഴ്ചകൾ ഓരോന്നായി പുറത്തുവരുന്നത്.

മരിക്കും മുൻപ് യുവതിയെ ഭർത്താവ് ക്രൂരമായി മർദ്ദിച്ചിരുന്നുവെന്ന് ക്രൈംബ്രാഞ്ച് കണ്ടെത്തിയിരുന്നു. 


vachakam
vachakam
vachakam

 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Related Topics

LATEST NEWS
RELATED NEWS

Get daily updates from vachakam.com

vachakam
vachakam
RELATED NEWS
vachakam