കെഎസ്ഇബി സ്മാർട്ട് മീറ്റർ രണ്ടാംഘട്ടം: ബിഡ് കാലാവധി മൂന്നുമാസത്തേക്ക് കൂടി നീട്ടി

NOVEMBER 11, 2026, 10:41 PM

തിരുവനന്തപുരം: കെഎസ്ഇബി സ്മാർട്ട് മീറ്റർ രണ്ടാംഘട്ട വ്യാപനത്തിൻ്റെ ബിഡ് കാലാവധി മൂന്നുമാസത്തേക്ക് കൂടി നീട്ടി. വിഷയം സർക്കാർ പഠിച്ചു വരുന്നതിന് സമയമെടുക്കുമെന്നതിനാലാണ് ബിഡ് കാലാവധി ഫെബ്രുവരി രണ്ടുവരെ നീട്ടിയത്.

ആർഡിഎസ്എസ് പദ്ധതിയുടെ ഭാഗമായി ട്രാൻസ്മിഷൻ ലൈനുകളുടെ നവീകരണ പ്രവർത്തനങ്ങൾ നടക്കുകയാണ്.60 ശതമാനം കേന്ദ്രവും 40 ശതമാനം സംസ്ഥാനവുമാണ് ഇതിന് ചെലവ് വഹിക്കുന്നത്. സ്മാർട്ട് മീറ്റർ രണ്ടാംഘട്ടം നടപ്പിലാക്കിയാലേ ഗ്രാൻഡ് അനുവദിക്കൂ എന്നാണ് കേന്ദ്രസർക്കാർ പറയുന്നത്.

ആർഡിഎസ്എസ് പദ്ധതിക്കുള്ള കേന്ദ്ര ഗ്രാൻഡ് ലഭിക്കുന്നത് വൈകുമെന്ന ആശങ്കയുമുണ്ട്. സംസ്ഥാനത്തിന്റെ അധിക കടമെടുപ്പിനെയും ഇത് ബാധിക്കും. അടങ്കൽ തുകയെക്കാൾ 42% കുറഞ്ഞ തുക ക്വാട്ട് ചെയ്ത ഗ്രിഡ് ക്രെസ്റ്റ് കമ്പനിക്ക് വർക്ക് ഓർഡർ ഇന്നലെ കൊടുക്കേണ്ടതാണ്.