വടക്കുകിഴക്കൻ കാറ്റിന്റെ വരവോടെ കേരളത്തിൽ രാത്രികാലങ്ങളിൽ തണുപ്പ് കൂടാൻ തുടങ്ങി. വർഷങ്ങൾക്ക് ശേഷമാണ് കേരളം ഇത്രയും തണുപ്പ് അനുഭവിക്കുന്നത്. ഉയർന്ന പ്രദേശങ്ങളായ ഹൈറേഞ്ചിൽ തണുപ്പ് വർധിച്ചിരിക്കുകയാണ്.
ഇടുക്കിയിലെ കുണ്ടള ഡാമിൽ കഴിഞ്ഞ ശനിയാഴ്ച രേഖപ്പെടുത്തിയ കുറഞ്ഞ താപനില 7.9 ഡിഗ്രി സെൽഷ്യസാണ്. മൂന്നാറിൽ 9.7 ഡിഗ്രി സെൽഷ്യസും വട്ടവടയിൽ 10.9 ഡിഗ്രി സെൽഷ്യസും താപനില രേഖപ്പെടുത്തി. കുണ്ടള, മൂന്നാർ, വട്ടവട, കാന്തല്ലൂർ എന്നിവിടങ്ങളിൽ രാവിലെ മൂടൽമഞ്ഞും നല്ല തണുപ്പുമുണ്ട്.
തേയിലത്തോട്ടങ്ങളിലും തണുപ്പ് അനുഭവപ്പെടുന്നുണ്ട്. ഉത്തരേന്ത്യയിൽ നിന്നുള്ള തണുത്ത കാറ്റ് കേരളത്തിലേക്ക് ശക്തമായി വീശിത്തുടങ്ങി എന്നതാണ് ഇതിന് കാരണം. മൺസൂൺ പിൻവാങ്ങുകയും ആകാശം തെളിയുകയും ചെയ്തതോടെ, പകൽ സമയത്ത് ഭൂമി ആഗിരണം ചെയ്യുന്ന ചൂട് രാത്രിയിൽ വേഗത്തിൽ മുകളിലേക്ക് പോകുന്നു.
ഇത് രാത്രിയിലെ തണുപ്പ് വർദ്ധിപ്പിക്കുന്നു. എന്നിരുന്നാലും, പകൽ സമയത്ത് തണുപ്പ് അനുഭവപ്പെടുന്നില്ല. സംസ്ഥാനത്തിന്റെ പല ഭാഗങ്ങളിലും പകൽ താപനില 32-നും 35-നും ഇടയിലാണ്.
ഒക്ടോബർ ഒന്നിനും നവംബർ 14-നും ഇടയിൽ 21 ശതമാനം മഴയുടെ കുറവ് രേഖപ്പെടുത്തി. 404.3 മില്ലിമീറ്റർ മഴ ലഭിക്കേണ്ട സ്ഥാനത്ത് 321 മില്ലിമീറ്റർ മഴ മാത്രമാണ് ലഭിച്ചത്. വരുന്ന ദിവസങ്ങളിലും തണുപ്പ് തുടരുമെന്ന് കാലാവസ്ഥാ നിരീക്ഷകർ പറയുന്നു.
ഡിസംബർ പകുതിയോടെ നല്ല തണുപ്പ് അനുഭവപ്പെടുമെന്നും അവർ കൂട്ടിച്ചേർത്തു.
English Summary: Kerala is experiencing increased cold at night with the arrival of the north-easterly wind, a phenomenon after many years. The high-range areas are particularly colder, with Idukki Kundala Dam recording a low of 7.9 degrees Celsius. Munnar and Vattavada also registered temperatures of 9.7 and 10.9 degrees Celsius respectively. Morning mist and significant cold are present in Kundala, Munnar, Vattavada, and Kanthalloor, affecting tea plantations as well. This is due to strong cold winds from North India and the rapid dissipation of daytime heat after the monsoon. Despite the cold nights, daytime temperatures remain between 32 and 35 degrees Celsius. A rain deficit of 21 percent was noted from October 1 to November 14, with only 321 millimeters of rain received against the expected 404.3 millimeters. Meteorologists predict the cold will continue, intensifying by mid-December.
Tags: Malayalam News, News Malayalam, Latest Malayalam News, Vachakam News, Kerala cold weather, North-easterly wind, Idukki temperature, Munnar cold, Vattavada weather, Rain deficit Kerala
ചിത്രം: Andre Carrotflower, CC BY-SA 4.0, via Wikimedia Commons
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
