കൊണ്ടോട്ടി: ഷൂവിൻറെ അടിഭാഗത്ത് ഒളിപ്പിച്ച് കടത്താൻ ശ്രമിച്ച ഏകദേശം രണ്ടുകോടി രൂപ വിലമതിക്കുന്ന സ്വർണം പിടികൂടി. കരിപ്പൂർ വിമാനത്താവളത്തിലാണ് സംഭവം.
കണ്ണൂർ പാതിരിയോട് സ്വദേശിയായ അസ്സു (47) ആണ് പിടിയിലായത്. ജില്ലാ പൊലീസ് മേധാവിയുടെ പ്രത്യേക സ്ക്വാഡും കരിപ്പൂർ പൊലീസും സംയുക്തമായി നടത്തിയ പരിശോധനയിലാണ് ഇയാൾ പിടിയിലായത്.
തുടർന്ന് പ്രതിയെയും പിടികൂടിയ സ്വർണവും തുടർനടപടികൾക്കായി കോഴിക്കോട് കസ്റ്റംസ് പ്രിവൻറീവ് വിഭാഗത്തിന് കൈമാറി.
1467 ഗ്രാം സ്വർണമിശ്രിതമാണ് ഇയാളിൽ നിന്നും കണ്ടെടുത്തത്. ചൊവ്വാഴ്ച പുലർച്ചെ 1.45-ഓടെ ദുബായിൽ നിന്നെത്തിയ എയർഇന്ത്യ എക്സ്പ്രസ് വിമാനത്തിലാണ് ഇയാൾ എത്തിയത്. കാലിൽ ധരിച്ചിരുന്ന ഷൂസിൻറെ ഇരു സോളുകളിലുമായി കറുത്ത തുണിയിൽ പൊതിഞ്ഞ നിലയിലായിരുന്നു സ്വർണമിശ്രിതം സൂക്ഷിച്ചിരുന്നത്. ഇതിൽ ഒരു സോളിൽ 733.6 ഗ്രാമും മറ്റേ സോളിൽ 733.4 ഗ്രാമുമാണ് ഉണ്ടായിരുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
