തിരുവനന്തപുരം: കെഎസ്ആര്ടിസി ഡ്രൈവറുമായി നടുറോഡില് തര്ക്കമുണ്ടായ സംഭവത്തില് മേയര് ആര്യ രാജേന്ദ്രനും ഭര്ത്താവും എംഎല്എയുമായ സച്ചിൻ ദേവിനുമെതിരായ എഫ്ഐആറില് ഗുരുതര ആരോപണങ്ങള് ആണ് ചേർത്തിരിക്കുന്നതെന്ന് റിപ്പോർട്ട്.
ഡ്രൈവര് യദുവിന്റെ പരാതിയില് മേയര്ക്കും എംഎല്എയ്ക്കുമെതിരെ ജാമ്യമില്ലാ വകുപ്പില് കേസെടുത്തുവെന്ന വാര്ത്ത നേരത്തെ പുറത്തു വന്നിരുന്നു. ഇതിന് പിന്നാലെയാണ് എഫ്ഐആറിലെ വിവരങ്ങളും വരുന്നത്.
അതേസമയം യദുവിന്റെ പരാതിയില് സൂചിപ്പിച്ചിട്ടുള്ള അതേ കാര്യങ്ങള് തന്നെയാണ് എഫ്ഐആറിലുമുള്ളത്. ബസിലെ സിസിടിവി ക്യാമറയുടെ മെമ്മറി കാര്ഡ് പ്രതികള് സ്വാധീനമുപയോഗിച്ച് നശിപ്പിച്ചുവെന്നും, സച്ചിൻ ദേവ് എംഎല്എ ബസില് അതിക്രമിച്ച് കയറിയെന്നും എഫ്ഐആറിലുണ്ട്. കൂടാതെ എംഎല്എ അസഭ്യവാക്കുകളുപയോഗിച്ചതായി എഫ്ഐആറിൽ പറയുന്നു.
അതേസമയം കോടതിയില് നിന്ന് ലഭിച്ച പരാതിയിലെ ആരോപണങ്ങള് അങ്ങനെ തന്നെ എഫ്ഐആറില് ഉള്പ്പെടുത്തിയിരിക്കുകയാണ് എന്നതാണ് ശ്രദ്ധേയമായ കാര്യം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്