തിരുവനന്തപുരം: വാഹനാപകടം സംഭവിച്ചാല് ഇന്ഷുറന്സ് ക്ലെയിമിനായി സ്റ്റേഷനില് വരാതെ തന്നെ ജിഡി എന്ട്രി ലഭിക്കുന്നതിന് പൊലീസിന്റെ മൊബൈല് ആപ്പായ പോല് ആപ്പില് സൗകര്യം.
സേവനം ലഭ്യമാകാന് മൊബൈല് ആപ്ലിക്കേഷനില് പേരും മൊബൈല് നമ്ബറും നല്കുക. ഒടിപി മൊബൈലില് വരും. പിന്നെ, ആധാര് നമ്ബര് നല്കി റജിസ്ട്രേഷന് പൂര്ത്തിയാക്കാം.
ഒരിക്കല് റജിസ്ട്രേഷന് നടത്തിയാല് പൊലീസുമായി ബന്ധപ്പെട്ട ഏതു സേവനങ്ങള്ക്കും ഇതുമതി. നിങ്ങളുടെ പേര്, ജനനത്തീയതി, മൊബൈല് ഫോണ് നമ്ബര്, ഇ-മെയില്, മേല്വിലാസം എന്നിവ നല്കി തിരിച്ചറിയല് രേഖ അപ്ലോഡ് ചെയ്യേണ്ടതാണ്.
അതിനു ശേഷം ആക്സിഡന്റ് സംബന്ധിച്ച വിവരങ്ങള് നല്കുകയും സംഭവത്തിന്റെ ഫോട്ടോ അപ്ലോഡ് ചെയ്യുകയും വേണം. വാഹനത്തിന്റെ വിവരങ്ങള് കൂടി നല്കി അപേക്ഷ സബ്മിറ്റ് ചെയ്യാവുന്നതാണ്.
അപേക്ഷയിന്മേല് പൊലീസ് പരിശോധന പൂര്ത്തിയായശേഷം ജി ഡി എന്ട്രി അനുവദിക്കും. അത് ആപ്പില് നിന്ന് ഡൗണ്ലോഡ് ചെയ്ത് പ്രിന്റ് എടുക്കാവുന്നതാണ്.
എന്നാല് ചില സന്ദര്ഭങ്ങളില് വാഹനം പരിശോധിച്ച ശേഷമായിരിക്കും സര്ട്ടിഫിക്കറ്റ് അനുവദിക്കുന്നത്.ഈ സേവനം കേരള പൊലീസിന്റെ തുണ വെബ്പോര്ട്ടലിലും ലഭ്യമാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്