തിരുവനന്തപുരം: കെഎസ്ആർടിസി ബസിൽ എംഡിഎംഎ കടത്താൻ ശ്രമിച്ച യുവാവ് പിടിയിൽ.
നെയ്യാറ്റിൻകര ഭാഗത്ത് നിന്നും തിരുവനന്തപുരത്തേയ്ക്ക് വരികയായിരുന്ന കെഎസ്ആർടിസി ബസിലാണ് പ്രതി രാസലഹരിയുമായെത്തിയത്. വെള്ളായണി ജംഗ്ഷനിൽ വന്നിറങ്ങിയ പ്രതിയെ ഡാൻസാഫ് സംഘം കസ്റ്റഡിയിലെടുക്കുകയായിരുന്നു.
പൂന്തുറ പുത്തൻപള്ളി എംഎസ് മൻസിലിൽ അൽ അസീം (43) ആണ് പിടിയിലായത്.
പ്രതിയിൽ നിന്ന് 27 ഗ്രാം എംഡിഎംഎ പൊലിസ് കണ്ടെടുത്തു. ഇയാൾ ബംഗളൂരുവിൽ നിന്നാണ് ലഹരി വസ്തു എത്തിച്ചതെന്നാണ് പൊലിസിൻറെ പ്രാഥമിക നിഗമനം. നടപടിക്രമങ്ങൾക്ക് ശേഷം കൂടുതൽ അന്വേഷണങ്ങൾക്കായി ഡാൻസാഫ് സംഘം ഇയാളെ നേമം പൊലിസിന് കൈമാറി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
