ടെല്‍ അവീവ്: ലെബനന്‍ അതിര്‍ത്തിക്ക് സമീപം സ്‌കൂള്‍ വിനോദയാത്രയ്ക്കിടയിലുണ്ടായ സ്‌ഫോടനത്തില്‍ ഒരു കൗമാരക്കാരന്‍ കൊല്ലപ്പെടുകയും നിരവധി വിദ്യാര്‍ത്ഥികള്‍ക്ക് പരിക്കേല്‍ക്കുകയും ചെയ്തു. യുണൈറ്റഡ് ഹത്കാലയുടെ കണക്കുകള്‍ പ്രകാരം മൂന്ന് പേരുടെ നില ഗുരുതരമാണ്. പത്തിലധികം പേര്‍ക്ക് പരിക്കേറ്റിട്ടുണ്ട്. പരിക്കേറ്റവരെ പ്രദേശത്തെ ആശുപത്രികളില്‍ പ്രവേശിപ്പിച്ചതായി പോലീസ് അറിയിച്ചു.
ഇസ്രായേല്‍ എമര്‍ജന്‍സി റെസ്‌പോണ്‍സ് സര്‍വീസുകളാണ് ഈ വിവരം പുറത്തുവിട്ടത്. പ്രദേശത്ത് മുന്‍പ് പതിച്ചതും ഇതുവരെ പൊട്ടിത്തെറിക്കാത്തതുമായ ഹിസ്ബുള്ളയുടെ വെടിക്കോപ്പുകള്‍ പൊട്ടിത്തെറിച്ചാണ് അപകടമുണ്ടായതെന്ന് ഇസ്രായേല്‍ പ്രതിരോധ സേനയുടെ പ്രാഥമിക അന്വേഷണത്തില്‍ വ്യക്തമായി. എന്നാല്‍ ഇത് എപ്പോഴാണ് തൊടുത്തുവിട്ടതെന്ന് ഇനിയും വ്യക്തത വന്നിട്ടില്ല. പരിക്കേറ്റവരെ സൈനിക ഹെലികോപ്റ്ററില്‍ അടിയന്തര ചികിത്സയ്ക്കായി ആശുപത്രിയിലേക്ക് മാറ്റുന്ന ദൃശ്യങ്ങള്‍ സൈന്യം പുറത്തുവിട്ടിട്ടുണ്ട്.
വടക്കന്‍ ഇസ്രായേലിലെ മാ'ലോത്-തര്‍ഷിഹ മുനിസിപ്പാലിറ്റിയുടെ വാര്‍ഷിക വിനോദയാത്രയ്ക്കിടെയാണ് ഈ ദാരുണ സംഭവം നടന്നത്. കുട്ടികള്‍ക്ക് നേരിട്ട ഈ ദുരന്തത്തില്‍ ഇസ്രായേല്‍ വിദ്യാഭ്യാസ മന്ത്രാലയവും പ്രധാനമന്ത്രി ബെഞ്ചമിന്‍ നെതന്യാഹുവും അഗാധമായ ദുഖം രേഖപ്പെടുത്തുകയും പരിക്കേറ്റവരെ ആശുപത്രിയിലെത്തി സന്ദര്‍ശിക്കുകയും ചെയ്തു. പൊട്ടാത്ത വെടിക്കോപ്പുകളില്‍ തൊടരുതെന്ന് കുട്ടികള്‍ക്കും ജനങ്ങള്‍ക്കും നെതന്യാഹു കര്‍ശന നിര്‍ദ്ദേശം നല്‍കിയിട്ടുണ്ട്.
യിഫ്താഹ്, മനാര എന്നീ ഗ്രാമങ്ങള്‍ക്ക് സമീപമുള്ള അതിര്‍ത്തി പ്രദേശത്ത് ഉച്ചയോടെയാണ് സ്ഫോടനം ഉണ്ടായത്. വന്‍ ആംബുലന്‍സ് സംഘങ്ങളും തീവ്രപരിചരണ യൂണിറ്റുകളും ഹെലികോപ്റ്ററുകളും സ്ഥലത്ത് എത്തിച്ചേര്‍ന്ന് രക്ഷാപ്രവര്‍ത്തനം ഏകോപിപ്പിച്ചതായി മാഡം ഡേവിഡ് അഡോം അറിയിച്ചു. തെക്കന്‍ ലെബനനിലെ സംഘര്‍ഷങ്ങള്‍ അവസാനിപ്പിക്കാന്‍ ജൂണില്‍ യു.എസ് മധ്യസ്ഥതയില്‍ വെടിനിര്‍ത്തല്‍ പ്രഖ്യാപിച്ചിരുന്നെങ്കിലും, അതിന്റെ തുടര്‍ന്നുള്ള നടപടികളും സൈന്യത്തിന്റെ പിന്മാറ്റവും പലയിടത്തും സ്തംഭനാവസ്ഥയിലാണ്. ഹിസ്ബുള്ളയെ ആ പ്രദേശത്തുനിന്ന് തുടച്ചുനീക്കാനുള്ള ശ്രമങ്ങളുടെ ഭാഗമായി ഇസ്രായേല്‍ ഇപ്പോഴും തെക്കന്‍ ലെബനനില്‍ ആക്രമണങ്ങളും സൈനിക നീക്കങ്ങളും തുടരുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260224035156.jpg)
-20260113030114.webp)
-20260603054738.jpg)
-20260423104319.jpg)
