പുതുവര്‍ഷത്തെ ഏറെ സന്തോഷത്തോടെ ലോക ജനത സ്വീകരിച്ചിരിക്കുയാണ്. പുതിയ വര്‍ഷം കടന്നെത്തുമ്പോള്‍ 2024 ലെ കലണ്ടര്‍ എല്ലാവരും ഇതിനകം തന്നെ ശ്രദ്ധിച്ചു കാണും. ഇത്തവണ ഫെബ്രുവരിക്ക് ഒരു പ്രത്യേകതയുണ്ട്. നാല് വര്‍ഷത്തിലൊരിക്കല്‍ ഫെബ്രുവരി മാസത്തിന് 29 ദിവസം ഉണ്ടാവും. അത്തരത്തില്‍ 2024 ഫെബ്രുവരിക്കും ഉണ്ട് 29 ദിവസം. പുതുവര്‍ഷത്തിന്റെ രണ്ടാം മാസത്തിന് ഒരു അധിക ദിവസമുണ്ടാകുന്നതിനെ അധിവര്‍ഷം അഥവാ ലീപ്പ് ഇയര്‍ എന്നാണ് പറയപ്പെടുന്നത്.

അങ്ങനെ നോക്കുമ്പോള്‍ 2024 ഒരു അധിവര്‍ഷമാണ്. ഓരോ നാല് വര്‍ഷത്തിലും ഒരു അധിവര്‍ഷം സംഭവിക്കുമെന്ന് പൊതുവെ അറിയാമെങ്കിലും കൃത്യമായി എന്താണ് ഒരു അധിവര്‍ഷം. അങ്ങനെ ഒരു വര്‍ഷത്തിന്റെ ആവശ്യകതയെന്ത്? എന്നിങ്ങനെ പല ചോദ്യങ്ങളും നമ്മളുടെ മനസിലൂടെ കടന്നുപോവും.

ലീപ്പ് ഇയര്‍ അഥവാ അധിവര്‍ഷം എന്നാല്‍ എ്ന്താണ്?

സാധാരണ 365 ദിവസങ്ങളില്‍ നിന്ന് വ്യത്യസ്തമായി ഒരു അധിവര്‍ഷത്തിന് ഒരു വര്‍ഷത്തില്‍ 366 ദിവസങ്ങളുണ്ട്. വര്‍ഷത്തിലെ ഏറ്റവും ചെറിയ മാസമായ ഫെബ്രുവരിയില്‍ അധിക ദിവസം ഫെബ്രുവരി 29 ആയി ചേര്‍ന്നു വരുന്നു. ഒരു സൗര കലണ്ടറില്‍ ഒരു വര്‍ഷം ഭൂമി സൂര്യനെ ചുറ്റുന്നതിനെ അടിസ്ഥാനപ്പെടുത്തിയാണ് ഇത് സംഭവിക്കുന്നത്. ഭൂമി സൂര്യനെ ചുറ്റാന്‍ 365 ദിവസവും അഞ്ച് മണിക്കൂറും 48 മിനിറ്റും 46 സെക്കന്‍ഡും എടുക്കുന്നു.

ഒരു സാധാരണ വര്‍ഷത്തിന്റെ ദൈര്‍ഘ്യം അങ്ങനെ 365 ദിവസമായാണ് കണക്കാക്കുന്നത്. ഓരോ നാലാം വര്‍ഷത്തിലും അധിക സമയം കണക്കാക്കാന്‍ ആറ് മണിക്കൂര്‍ വരെ 24 മണിക്കൂര്‍ ഒരു മുഴുവന്‍ ദിവസം  എന്നിങ്ങനെ അധികമായി ചേര്‍ക്കുന്നു. ജൂലിയന്‍ കലണ്ടറിന് സാധാരണയായി 365 ദിവസം ദൈര്‍ഘ്യമുള്ള ഒരു വര്‍ഷമുണ്ടായിരുന്നു. പിന്നീടാണ് നാല് വര്‍ഷത്തിലൊരിക്കല്‍ 366-ാം ദിവസം ചേര്‍ത്തു. തുടങ്ങിയത്. റോയല്‍ മ്യൂസിയം ഗ്രീന്‍വിച്ചിന്റെ വെബ്സൈറ്റ് അനുസരിച്ച്, ഇസ്ലാമിക് കലണ്ടര്‍ അല്‍-ഹിജ്റയില്‍ അധിവര്‍ഷങ്ങളില്‍ 12-ാം മാസമായ സുല്‍ ഹിജ്ജയില്‍ ഒരു അധിക ദിവസം ചേര്‍ത്തിട്ടുണ്ട്.

എന്തൊക്കെ ആയാലും ഈ രീതിയിലും തെറ്റുകള്‍ ഉള്ളതായി കണക്കാക്കപ്പെടുന്നു. കാരണം കണക്കുകൂട്ടാന്‍ ഉപയോഗിക്കുന്ന ആറ് മണിക്കൂര്‍ യഥാര്‍ത്ഥ അഞ്ച് മണിക്കൂര്‍, 48 മിനിറ്റ്, 46 സെക്കന്‍ഡില്‍ നിന്ന് വ്യത്യസ്തമാണ്. ഇത് കലണ്ടര്‍ വര്‍ഷത്തെ സൗരവര്‍ഷത്തേക്കാള്‍ അല്‍പ്പം ദൈര്‍ഘ്യമുള്ളതാക്കുന്നുവെന്നും പല പഠനങ്ങളും കണ്ടെത്തിയിട്ടുണ്ട്.

അങ്ങനെ 16-ാം നൂറ്റാണ്ടില്‍, അതുവരെയുള്ള കലണ്ടര്‍ വര്‍ഷങ്ങളില്‍ 10 അധിക ദിവസങ്ങള്‍ കൂടിച്ചേര്‍ന്നതായി കണക്കാക്കപ്പെട്ടു. 1582-ല്‍ പോപ്പ് ഗ്രിഗറി പതിമൂന്നാമന്‍ കലണ്ടറില്‍ നിന്ന് 10 ദിവസം ഒഴിവാക്കിക്കൊണ്ട്  ഉത്തരവിട്ടതിനെ തുടര്‍ന്ന കലണ്ടറില്‍ രസകരമായ മാറ്റമാണ് സംഭവിച്ചത്. അതേ വര്‍ഷം ഒക്ടോബര്‍ നാല് കഴിഞ്ഞ് കലണ്ടറിലെ ഡേറ്റ് ഒക്ടോബര്‍ 15 ആയിരുന്നു.

എന്തുകൊണ്ട് നാല് വര്‍ഷം കൂടുമ്പോള്‍ ഒരു അധിവര്‍ഷം വരുന്നില്ല?

പോപ്പ് ഗ്രിഗറി പതിമൂന്നാമന്റെ നടപടി പ്രശ്‌നം പരിഹരിക്കാന്‍ പര്യാപ്തമായിരുന്നില്ല. അങ്ങനെ, ചില അധിവര്‍ഷങ്ങള്‍ - ഓരോ നൂറ്റാണ്ടിലും ഏകദേശം ഒരു അധിവര്‍ഷങ്ങള്‍ - അധിക ദിവസം കൈകാര്യം ചെയ്യുന്നതിനായി ഉപേക്ഷിക്കാന്‍ തീരുമാനിച്ചു. ഇതിനായി തിരഞ്ഞെടുത്തത് 00 ല്‍ അവസാനിക്കുന്ന വര്‍ഷങ്ങളായിരുന്നുവെന്നതും ചരിത്രം. എന്നിരുന്നാലും 00-ല്‍ അവസാനിക്കുന്ന എല്ലാ വര്‍ഷങ്ങളില്‍ നിന്നും അധിവര്‍ഷം ഒഴിവാക്കുന്നത് കണക്കുകൂട്ടല്‍ വീണ്ടും തെറ്റിക്കും. അവസാനമായി, ഗ്രിഗോറിയന്‍ കലണ്ടറില്‍, 400 കൊണ്ട് ഹരിക്കാവുന്ന 00 വര്‍ഷങ്ങള്‍ അധിവര്‍ഷങ്ങളായി അവസാനിച്ചു. അങ്ങനെ നോക്കുമ്പോള്‍ 1900 ഒരു അധിവര്‍ഷമല്ലാതാവുകയും 2000 അധിവര്‍ഷമാവുകയും ചെയ്തു.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1