ഏഷ്യന്‍ അമേരിക്കക്കാര്‍ക്ക് ഏറെ പ്രയോജനകരമായ പദ്ധതിയുമായി വൈസ് പ്രസിഡന്റ് കമല ഹാരിസ്. യു.എസ് വൈസ് പ്രസിഡന്റ് കമലാ ഹാരിസ് ആരോഗ്യ പരിരക്ഷാ ആനുകൂല്യങ്ങള്‍ വിപുലീകരിക്കാനുള്ള പദ്ധതികള്‍ പ്രഖ്യാപിച്ചിരിക്കുകയാണ്. 'കെയര്‍ എക്കണോമി' വര്‍ദ്ധിപ്പിക്കുന്നതിനും ആരോഗ്യ സംരക്ഷണ ചെലവുകള്‍ കുറയ്ക്കുന്നതിനുമുള്ള ഹാരീസിന്റെ ശ്രമത്തിന്റെ ഭാഗമായുള്ള ഏറ്റവും പുതിയ നയ നിര്‍ദ്ദേശമാണിത്.
എബിസിയുടെ 'ദി വ്യൂ' ന് നല്‍കിയ അഭിമുഖത്തിലാണ് ഹാരിസ് നയ പ്രഖ്യാപനം നടത്തിയത്. നവംബര്‍ അഞ്ചിന് നടക്കുന്ന തിരഞ്ഞെടുപ്പിന് മുമ്പ് താനും റിപ്പബ്ലിക്കന്‍ പ്രസിഡന്റ് സ്ഥാനാര്‍ത്ഥി ഡൊണാള്‍ഡ് ട്രംപും വോട്ടര്‍മാരെ തങ്ങളിലേയ്ക്ക് അടുപ്പിക്കാന്‍ മത്സരിക്കുമ്പോള്‍ ചൊവ്വാഴ്ച ന്യൂയോര്‍ക്കില്‍ നടന്ന മാധ്യമ അഭിമുഖങ്ങളുടെ പരമ്പരയിലെ ആദ്യത്തേതായിരുന്നു ഇത്. എബിസി ഷോയുടെ പ്രേക്ഷകരില്‍ പ്രധാനമായും മധ്യവയസ്‌കരും പ്രായമായ സ്ത്രീകളും ഉള്‍പ്പെടുന്നു. ഒരേ സമയം കുട്ടികളെയും പ്രായമായ മാതാപിതാക്കളെയും പരിപാലിക്കുന്നതിന്റെ ഭാരം ലഘൂകരിക്കുമെന്ന ഹാരിസിന്റെ വാഗ്ദാനത്തെ പ്രേക്ഷകര്‍ 'സാന്‍ഡ്വിച്ച് ജനറേഷന്‍' എന്നാണ് വിളിക്കുന്നത്.
കോണ്‍ഗ്രസില്‍ പാസാക്കിയ വലിയ ചെലവ് ബില്ലുകളില്‍ നിന്ന് വെട്ടിമാറ്റിയ പ്രസിഡന്റ് ജോ ബൈഡന്റെ 'കെയര്‍ എക്കണോമി' നിര്‍ദ്ദേശങ്ങള്‍ പല നയങ്ങളും പ്രതിബാധിക്കുന്ന ഒന്നാണ്. ഹാരിസിന്റെ പോളിസി ഇതാണ്- പ്രായമായവര്‍ക്കും വികലാംഗര്‍ക്കും വേണ്ടിയുള്ള ഫെഡറല്‍ ഇന്‍ഷുറന്‍സ് പദ്ധതിയായ മെഡികെയര്‍ വിപുലീകരിക്കും, ഇത് അമേരിക്കന്‍ കുടുംബങ്ങളെ രക്ഷിക്കുമെന്ന പ്രതീക്ഷ ഉണ്ട്. ഇന്‍-ഹോം ഹെല്‍ത്ത് എയ്ഡ്‌സ് പോലുള്ള സേവനങ്ങള്‍ ഉള്‍പ്പെടെ, ആദ്യമായി വീട്ടിലെ മുതിര്‍ന്നവര്‍ക്കുള്ള ദീര്‍ഘകാല പരിചരണം പരിരക്ഷിക്കും. പ്രായമായ കുടുംബാംഗങ്ങള്‍ക്കുള്ള നഴ്സിംഗ് ഹോമുകളുടെ ചെലവ് ഉള്‍പ്പെടെ പദ്ധതിയില്‍പ്പെടുന്നു.
ഈ പദ്ധതി ഏറ്റവും കൂടുതല്‍ ഗുണകരമാകുന്നത് ഏഷ്യന്‍ അമേരിക്കന്‍ വംശജര്‍ക്കാണ്. കുട്ടികളെ വളര്‍ത്തുകയും പ്രായമായ മാതാപിതാക്കളെ പരിപാലിക്കുകയും ചെയ്യുന്ന ആളുകളെ ലക്ഷ്യമിട്ടാണ് പുതിയ പദ്ധതിക്ക് കമല തുടക്കം കുറിക്കുന്നത് എന്ന് ആദ്യം തന്നെ വ്യക്തമാക്കിയിരുന്നു. ഈയൊരു വലിയ ഉത്തരവാദിത്തം ഏറ്റെടുക്കുന്നതില്‍ ഏഷ്യന്‍ അമേരിക്കക്കാര്‍ വളരെയേറെ മുന്നിലാണ്. കാരണം അവര്‍ അതിന് അത്രയധികം പ്രധാന്യം കല്‍പിക്കുന്നു. അവര്‍ മറ്റേതൊരു വംശീയ വിഭാഗത്തെക്കാളും തങ്ങളുടെ മുതിര്‍ന്നവരെ പരിപാലിക്കുന്നതില്‍ ഉത്തരവാദിത്തം ഏറ്റെടുക്കുകയും കുട്ടികളുടെ സംരക്ഷണം സുരക്ഷിതമാക്കുന്നതിനുള്ള വെല്ലുവിളികള്‍ അഭിമുഖീകരിക്കുകയും ചെയ്യുന്നു.
ബൈഡന്‍ അവതരിപ്പിച്ച പുതിയ ഡ്രഗ് പ്രൈസ് നെഗോഷ്യേഷന്‍ പ്ലാനില്‍ മെഡിസിന്‍ ചെലവുകള്‍ വെട്ടിച്ചുരുക്കുന്നതിലൂടെയും മറ്റും ലാഭിക്കുന്ന പണമാണ് ഇതിന് ധനസഹായം നല്‍കുന്നത്. 50 വയസും അതില്‍ കൂടുതലുമുള്ള അമേരിക്കക്കാരില്‍ നാലിലൊന്ന് പേരും വൈകല്യമോ ആരോഗ്യപ്രശ്നമോ ഉള്ള ഒരു കുടുംബാംഗത്തെയോ സുഹൃത്തിനെയോ പരിചരിക്കുന്നു. മിഷിഗണ്‍ സര്‍വകലാശാലയില്‍ നിന്നുള്ള ഓഗസ്റ്റിലെ സര്‍വേ പ്രകാരമുള്ളതാണ് കണക്ക്. അമേരിക്കന്‍ അസോസിയേഷന്‍ ഓഫ് റിട്ടയേര്‍ഡ് പേഴ്സണ്‍സില്‍ നിന്നുള്ള സെപ്റ്റംബറില്‍ നടത്തിയ ഒരു വോട്ടെടുപ്പ് പ്രകാരം, 50 വയസും അതില്‍ കൂടുതലുമുള്ള സ്ത്രീകളില്‍ പ്രായമായ പ്രിയപ്പെട്ടവരെ പരിപാലിക്കുന്ന നാലില്‍ മൂന്ന് പേര്‍ ഇന്നത്തെ സമ്പദ്വ്യവസ്ഥയില്‍ വളരെയധികം ബുദ്ധിമുട്ടുന്നതായി കരുതുന്നു.
തന്റെ മൊത്തത്തിലുള്ള സാമ്പത്തിക പ്ലാറ്റ്‌ഫോമിന്റെ ഭാഗമായി 6,000 ഡോളര്‍ ചൈല്‍ഡ് ടാക്‌സ് ക്രെഡിറ്റ് വാഗ്ദാനം ചെയ്യുമെന്ന് ഹാരിസ് ഇതിനകം പറഞ്ഞിട്ടുള്ളതാണ്. ഇത് പ്രിയപ്പെട്ടവരെ പരിചരിക്കുന്നതിന്റെ പ്രതിഫലം ലഭിക്കാതെ ജോലി ചെയ്യുന്ന അമേരിക്കക്കാരെ സാമ്പത്തികമായി സഹായിക്കാന്‍ ശ്രമിക്കുന്നതിന്റെ ഭാഗമാണ്.
'സാന്‍ഡ്വിച്ച് തലമുറ' എന്ന് വിളിക്കപ്പെടുന്നവരില്‍ പെടുന്ന ഏകദേശം നാലിലൊന്ന് അമേരിക്കക്കാരും നേരിടുന്ന വെല്ലുവിളികളെ അഭിമുഖീകരിക്കാനുള്ള ചരിത്രപരമായ നിര്‍ദ്ദേശങ്ങളാണ് പദ്ധതിയില്‍ ഉടനീളം ആവിഷ്‌കരിച്ചിരിക്കുന്നത്. കുട്ടികളെ വളര്‍ത്തിക്കൊണ്ടും പ്രായമായ മാതാപിതാക്കളെയോ വൈകല്യമുള്ള പ്രിയപ്പെട്ടവരെയോ പരിചരിക്കുന്നതിലൂടെയും തലമുറകള്‍ തമ്മിലുള്ള പരിചരണത്തിന്റെ വലിയ മാതൃകയാണ് ഏഷ്യന്‍ അമേരിക്കക്കാര്‍ക്ക് ഇടയില്‍ ഉള്ളത്. മാത്രമല്ല നാലിലൊന്ന് ഏഷ്യന്‍ അമേരിക്കക്കാരും (27%) ബഹുതലമുറ കുടുംബങ്ങളിലാണ് താമസിക്കുന്നത്.
പഠനം അനുസരിച്ച്, 73% ഏഷ്യന്‍ അമേരിക്കക്കാരും പസഫിക് ദ്വീപുവാസികളും മറ്റേതൊരു വിഭാഗത്തെക്കാളും മാതാപിതാക്കളെ പരിപാലിക്കുന്നത് തങ്ങളുടെ ഏറ്റവും വലിയ ഉത്തരവാദിത്തമായി കരുതുന്നവരാണ്. ഏഷ്യന്‍ അമേരിക്കന്‍ സീനിയേഴ്സിനെ പിന്തുണയ്ക്കുന്നത് നിര്‍ണായക നീക്കമാണ്. കാരണം അവര്‍ അതിവേഗം വളരുന്ന ജനസംഖ്യാ ഗ്രൂപ്പാണ്. കൂടാതെ പലര്‍ക്കും പരിചരണം താങ്ങാന്‍ ആവശ്യമായ സാമ്പത്തിക സ്രോതസ്സും ഇല്ല.
ഏഷ്യന്‍ അമേരിക്കന്‍ സീനിയര്‍മാര്‍ മൊത്തത്തില്‍ അമേരിക്കന്‍ മുതിര്‍ന്നവരേക്കാള്‍ ദരിദ്രരാണ്. കൂടാതെ ദാരിദ്ര്യത്തിന്റെ നിരക്ക് വര്‍ദ്ധിച്ചുകൊണ്ടിരിക്കുന്നു. എന്നിരുന്നാലും ദാരിദ്ര്യത്തെക്കുറിച്ചുള്ള ദേശീയ സംഭാഷണത്തില്‍ അവര്‍ പലപ്പോഴും പിന്നിലാണ്. വിവിധ വംശീയ ഉപഗ്രൂപ്പുകള്‍ക്കിടയില്‍ 65 വയസും അതില്‍ കൂടുതലുമ ഉള്ള ഏഷ്യന്‍ അമേരിക്കന്‍ മുതിര്‍ന്നവരുടെ ദാരിദ്ര്യ നിരക്ക് ഗണ്യമായി വര്‍ധിച്ചിട്ടുണ്ട്. അത് ഈ വംശജരുടെ വലിയൊരു വിഭാഗത്തെ കാര്യമായി തന്നെ ബാധിക്കുന്നുണ്ട്. ഏഷ്യന്‍ അമേരിക്കന്‍ സ്ത്രീകളില്‍ പകുതിയും ശിശു സംരക്ഷണം എന്ന വലിയ ഉത്തരവാദിത്തത്തില്‍ ചുറ്റിപ്പറ്റി കഴിയുന്നവരാണ്.
ഹോം കെയര്‍ സേവനങ്ങളും മുതിര്‍ന്നവര്‍ക്കുള്ള പിന്തുണയും പരിരക്ഷിക്കുന്നതിന് ഹാരിസിന്റെ നിര്‍ദ്ദേശം മെഡികെയറിനെ ശക്തിപ്പെടുത്തും. സംരക്ഷണം നല്‍കുന്നവര്‍ക്കും അവരുടെ കുടുംബത്തിനും ചെലവ് കുറയ്ക്കുക, മുതിര്‍ന്നവരെ വീട്ടില്‍ അന്തസ്സോടെ ജീവിക്കാന്‍ അനുവദിക്കുക, പ്രായമായ പ്രിയപ്പെട്ടവര്‍ക്ക് സൗകര്യങ്ങള്‍ തേടേണ്ടിവരുന്നതുമായി ബന്ധപ്പെട്ട സമ്മര്‍ദ്ദവും വൈകാരിക ഭാരങ്ങളും ലഘൂകരിക്കുക എന്നിവ പദ്ധതി ലക്ഷ്യമിടുന്നത്. മുതിര്‍ന്നവരെ കൂടുതല്‍ കാലം സ്വതന്ത്രമായി ജീവിക്കാന്‍ സഹായിക്കുന്നതിന് കാഴ്ചയ്ക്കും കേള്‍വിക്കുമുള്ള മെഡികെയര്‍ കവറേജും അവര്‍ പ്രഖ്യാപിക്കുന്നു. ഇത് ആശുപത്രിവാസങ്ങളില്‍ നിന്നും കൂടുതല്‍ ചെലവേറിയ സ്ഥാപന പരിചരണത്തില്‍ നിന്നും പണം ലാഭിക്കുന്നു. അതേസമയം കുടുംബ പരിചരണം നല്‍കുന്നവര്‍ക്ക് ആവശ്യമെങ്കില്‍ തൊഴില്‍ ചെയ്യാന്‍ കഴിയുന്നതിനാല്‍ സമ്പദ്വ്യവസ്ഥയെ ഉത്തേജിപ്പിക്കാനും അതുമൂലം സാധിക്കും. കൂടുതല്‍ സ്ഥിരതയുള്ള വരുമാന സ്രോതസ്സ് പ്രദാനം ചെയ്യുന്നതിലൂടെയും വേതനം ഉയര്‍ത്തുന്നതിനായി പ്രവര്‍ത്തിക്കുന്നതിലൂടെയും ഹാരീസിന്റെ പദ്ധതി പരിചരിക്കുന്നവരെ പിന്തുണയ്ക്കും. മെഡികെയര്‍ മരുന്നുകളുടെ വില ചര്‍ച്ചകള്‍ വിപുലീകരിക്കുന്നതിലൂടെയും മെഡികെയറിലെ ചില ബ്രാന്‍ഡ്-നാമ മരുന്നുകള്‍ക്കുള്ള കിഴിവുകള്‍ വര്‍ദ്ധിപ്പിക്കുന്നതിലൂടെയും ഫാര്‍മസി ബെനിഫിറ്റ് മാനേജരില്‍ മറഞ്ഞിരിക്കുന്ന ചെലവുകള്‍ തടയുന്നതിലൂടെയും മറ്റ് നടപടികളിലൂടെയും ഇത് പൂര്‍ണ്ണമായും നടപ്പാക്കപ്പെടുംയ
അവളുടെ പദ്ധതികള്‍ കുട്ടികളെ വളര്‍ത്തുന്ന മാതാപിതാക്കളെ സഹായിക്കും. കുട്ടികളുള്ള കുടുംബങ്ങള്‍ക്ക് ജീവിതം കൂടുതല്‍ താങ്ങാനാവുന്നതാക്കാന്‍ സഹായിക്കുന്ന നികുതി ക്രെഡിറ്റുകള്‍ വിപുലീകരിക്കാന്‍ അവര്‍ ഇതിനകം നിര്‍ദ്ദേശിച്ചിട്ടുണ്ട്. കുട്ടികളുള്ള കുടുംബങ്ങള്‍ക്ക് ഓരോ കുട്ടിക്കും 3,600 ഡോളര്‍ നികുതിയിളവ് നല്‍കുകയും നവജാത ശിശുക്കളുള്ള കുടുംബങ്ങള്‍ക്ക് 6,000 ഡോളര്‍ നികുതിയിളവ് നല്‍കുകയും ചെയ്യുന്നു.
ദശലക്ഷക്കണക്കിന് അമേരിക്കക്കാരുടെ പരിചരണച്ചെലവ് കുറയ്ക്കാനുള്ള വൈസ് പ്രസിഡന്റിന്റെ പദ്ധതികള്‍ ട്രംപിനും അദ്ദേഹത്തിന്റെ പ്രോജക്റ്റ് 2025 അജണ്ടയ്ക്കും വന്‍ തിരിച്ചടിയാകും എന്നതില്‍ സംശയമില്ല.
ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക
Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക.
ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1
.jpg)
