വംശീയ വിദ്വേഷം എന്നത് അമേരിക്കയില്‍ ഇന്നും ഒരു തീരാകളങ്കമാണ്. ഇപ്പോള്‍ കറുത്ത വര്‍ഗക്കാരായ അമേരിക്കക്കാരോടുള്ള വംശീയ വിദ്വേഷത്തിന്റെ ഇരുണ്ട ചരിത്രത്തോട് വിട ചൊല്ലിയിരിക്കുകയാണ് കാലിഫോര്‍ണിയ സ്‌റ്റേറ്റ്. പുതിയ നിയമം പാസായതോടെ അടിമത്തത്തിനും സംസ്ഥാനത്തെ കറുത്ത വര്‍ഗക്കാരായ അമേരിക്കക്കാരോടും കാണിച്ച വംശീയ വിദ്വേഷത്തിനും അതിന്റെ നീണ്ടുനില്‍ക്കുന്ന പ്രത്യാഘാതങ്ങളോടും കാലിഫോര്‍ണിയ ഔപചാരികമായി ക്ഷമാപണം നടത്തും.

കാലിഫോര്‍ണിയയുടെ ഗവര്‍ണറായ ഗേവിന്‍ ന്യൂസോം ആണ് പുതിയ നിയമത്തില്‍ ഒപ്പുവെച്ചത്. ആഫ്രിക്കന്‍ വംശജരായ അമേരിക്കക്കാര്‍ക്ക് വംശീയ അസമത്വത്തിന് കാരണമായ പതിറ്റാണ്ടുകള്‍ പഴക്കമുള്ള നിയമങ്ങള്‍ തിരുത്തുന്നതാണ് പുതിയ നിയമം. കായികതാരങ്ങളുടെ മുടിക്കെതിരേയുള്ള വിവേചനം അവസാനിപ്പിക്കുന്നതിനുള്ള നിയമത്തിലും ന്യൂസോം ഒപ്പുവെച്ചു.

അടിമത്തം പ്രോത്സാഹിപ്പിക്കുന്നതിനും അനുവദിക്കുന്നതിനും തങ്ങള്‍ വഹിച്ച പങ്കിന്റെ ഉത്തരവാദിത്വം കാലിഫോര്‍ണിയ ഏറ്റെടുക്കുന്നു. അതുപോലെ നിയന്തരമായ വംശീയ അസമത്വങ്ങള്‍ നിലനിന്ന ചരിത്രവും തങ്ങള്‍ ഏറ്റെടുക്കുന്നുവെന്ന് ഗവര്‍ണര്‍ പ്രസ്താവനയില്‍ അറിയിച്ചു. പതിറ്റാണ്ടുകള്‍ നീണ്ട അധ്വാനത്തെ അടിസ്ഥാനമാക്കി കാലിഫോര്‍ണിയ ഇപ്പോള്‍ ഒരു സുപ്രധാന ചുവടുവയ്പ്പ് നടത്തുകയാണ്. മുന്‍കാലങ്ങളിലെ ഗുരുതരമായ അനീതികള്‍ തിരിച്ചറിയുന്നതിനും അതുണ്ടാക്കിയ ദോഷങ്ങള്‍ക്ക് പരിഹാരം ഉണ്ടാക്കുന്നതിനും വേണ്ടിയാണിതെന്ന് അദ്ദേഹം പറഞ്ഞു.

പ്രശസ്തമായ ഒരു സ്വാധീനമേഖലയില്‍ നിന്ന് സര്‍ക്കാര്‍ അന്യായമായി പിടിച്ചെടുത്ത സ്വത്ത് വീണ്ടെടുക്കാനോ നഷ്ടപരിഹാരം നല്‍കാനോ കറുത്തവര്‍ഗക്കാരായ കുടുംബങ്ങളെ സഹായിക്കുന്ന ഒരു നിര്‍ദേശം ബുധനാഴ്ച വീറ്റോ ചെയ്തിരുന്നു. ഇതിന് ശേഷമാണ് ന്യൂസോം ബില്ലുകളില്‍ ഒപ്പിട്ടത്.

1850ലാണ് കാലിഫോര്‍ണിയ ഒരു സ്വതന്ത്ര സംസ്ഥാനമായി യൂണിയനില്‍ ചേരുന്നത്. എന്നാല്‍ അടിമത്തവും അത് അംഗീകരിക്കുന്ന നയങ്ങളും സമ്പ്രദായങ്ങളും കാലിഫോര്‍ണിയ അനുവദിച്ചിരുന്നു. ഇത് കറുത്തവര്‍ഗക്കാരെ വീടുകള്‍ വാങ്ങുന്നതില്‍ നിന്നും ബിസിനസ് തുടങ്ങുന്നതില്‍ നിന്നും തടയുന്നു. കറുത്ത വര്‍ഗ്ഗക്കാരെ പൊലീസ് ഭയപ്പെടുത്തുകയും അവരെ അക്രമിക്കുകയും അവരുടെ അയല്‍പ്രദേശങ്ങള്‍ മലിനമാക്കുകയും ചെയ്തതായി ഒരു ഫസ്റ്റ്-ഇന്‍-ദ-നേഷന്‍ സ്റ്റേറ്റ് റിപ്പറേഷന്‍സ് ടാസ്‌ക് ഫോഴ്സ് പ്രസിദ്ധീകരിച്ച റിപ്പോര്‍ട്ടി പറയുന്നു.

ഫെഡല്‍ തലത്തില്‍ കറുത്തവര്‍ഗക്കാര്‍ക്കുണ്ടായ നഷ്ടപരിഹാരം സംബന്ധിച്ച് പഠിക്കാനുള്ള ശ്രമങ്ങള്‍ കോണ്‍ഗ്രസില്‍ പതിറ്റാണ്ടുകളായി സ്തംഭിച്ച അവസ്ഥയിലാണ് ഉള്ളത്. ഇല്ലിനോയിസും ന്യൂയോര്‍ക്കും അടുത്തിടെ നഷ്ടപരിഹാര കമ്മിഷനുകള്‍ രൂപവത്കരിക്കുന്നതിനുള്ള നിയമങ്ങള്‍ പാസാക്കിയിരുന്നു.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1