ഹിമാലയന്‍ മലനിരകള്‍ വരള്‍ച്ചയുടെ വക്കിലെന്ന് കാലാവസ്ഥാ വകുപ്പ്. താപനില 3 ഡിഗ്രി സെല്‍ഷ്യസായി വര്‍ദ്ധിച്ചാല്‍ ഹിമാലയന്‍ മലനിരകളുടെ 90 ശതമാനവും വരള്‍ച്ചയ്ക്ക് സാക്ഷ്യം വഹിക്കേണ്ടി വരും. ഇതുസംബന്ധിച്ച പഠന റിപ്പോര്‍ട്ടാണ് ഇപ്പോള്‍ പുറത്തു വരുന്നത്.

യുകെയിലെ ഈസ്റ്റ് ആംഗ്ലിയ സര്‍വകലാശാലയിലെ ഗവേഷകരുടെ നേതൃത്വത്തിലുള്ള സംഘമാണ് ഇത് സംബന്ധിച്ച റിപ്പോര്‍ട്ട് തയ്യാറാക്കിയത്. കാലാവസ്ഥ വ്യതിയാനങ്ങളെ കുറിച്ചുള്ള ജേര്‍ണലില്‍ ഇത് സംബന്ധിച്ച വിവരങ്ങള്‍ പങ്കുവെച്ചിട്ടുണ്ട്. രണ്ട് വ്യത്യസ്ത പഠനങ്ങള്‍ സംയോജിപ്പിച്ചാണ് ഈ പുതിയ പഠനം നടത്തിയത്.  ഇന്ത്യ, ബ്രസീല്‍, ചൈന, ഈജിപ്ത്, എത്യോപ്യ, ഘാന എന്നിവിടങ്ങളെ കേന്ദ്രീകരിച്ചുള്ളതാണ് പഠനം. ഈ പ്രദേശങ്ങളിലെല്ലാം കാലാവസ്ഥാ വ്യതിയാനവും ആഗോളതാപനവും താപനില ഉയരുന്നതും കാരണം വരള്‍ച്ച, വെള്ളപ്പൊക്കം, വിളകളുടെ ക്ഷാമം, ജൈവവൈവിധ്യം കുറയല്‍ എന്നിവയ്ക്ക് സാധ്യതയുണ്ട്.

ആഗോളതാപനത്തിന്റെ തോത് വര്‍ദ്ധിക്കുന്നതിനനുസരിച്ച് മനുഷ്യര്‍ക്കും പ്രകൃതിദത്ത സംവിധാനങ്ങള്‍ക്കും കാലാവസ്ഥാ വ്യതിയാന അപകടസാധ്യതകള്‍ ഉണ്ടാകും. ഇന്ത്യയിലെ ഹിമാലയന്‍ പ്രദേശങ്ങളിലായിരിക്കും ഇത് കൂടുതല്‍ പ്രതികൂലമായി ബാധിക്കുക. കുടിവെള്ളത്തിനും ജലസേചനത്തിനും ക്ഷാമം ഉണ്ടാകുമെന്നും പഠനം പറയുന്നു. 80 ശതമാനം ഇന്ത്യക്കാരും ചൂടിന്റെ സമ്മര്‍ദ്ദം നേരിടുന്നുണ്ടെന്ന് റിപ്പോര്‍ട്ടില്‍ പറയുന്നു. വിവിധ മാര്‍ഗങ്ങളിലൂടെ ആഗോളതാപനം 1.5 ഡിഗ്രി സെല്‍ഷ്യസായി പരിമിതപ്പെടുത്തേണ്ടതുണ്ട്. എന്നാല്‍, ഇതിന് വിപരീതമായി താപനില ഉയരുന്നത് വലിയ പ്രത്യാഘാതങ്ങള്‍ സൃഷ്ടിച്ചേക്കാം.  

താപനില 3-4 ഡിഗ്രി സെല്‍ഷ്യസ് എത്തിയാല്‍ ഇന്ത്യയില്‍ പരാഗണം പകുതിയായി കുറയുമെന്ന് പുതിയ പഠനത്തില്‍ പറഞ്ഞിട്ടുണ്ട്. താപനില 1.5 ഡിഗ്രി സെല്‍ഷ്യസ് കൂടിയാല്‍ അത് നാലിലൊന്നായി കുറയും. 3 ഡിഗ്രി സെല്‍ഷ്യസ് താപനില കൃഷിയെ സാരമായി ബാധിക്കും. രാജ്യത്തെ കൃഷിയിടങ്ങളില്‍ പകുതിയും കരിഞ്ഞുണങ്ങും. ഭയാനകമായ വരള്‍ച്ച നേരിടേണ്ടി വരാനും സാധ്യതയുണ്ട്. വര്‍ഷം മുഴുവനും ഇത് വരണ്ടതായി തുടരാം. സാധാരണ 30 വര്‍ഷത്തിലൊരിക്കല്‍ ഇത്തരം വരള്‍ച്ച ഉണ്ടാകാറുണ്ട്. ഉയരുന്ന താപനില 1.5 ഡിഗ്രി സെല്‍ഷ്യസില്‍ നിര്‍ത്തിയാല്‍ കൃഷിഭൂമിയെ വരള്‍ച്ചയില്‍ നിന്ന് രക്ഷിക്കാനാകും. ഈ ഊഷ്മാവില്‍ പോലും മുകളില്‍ പറഞ്ഞ രാജ്യങ്ങളില്‍ കൃഷിഭൂമി വരണ്ടുപോകും.

താപനില 1.5 ഡിഗ്രി സെല്‍ഷ്യസ് കൂടിയാല്‍ ഇന്ത്യയിലെ 21 ശതമാനം കൃഷി ഭൂമിയും എത്യോപ്യയില്‍ 61 ശതമാനവും വരണ്ടുപോകും. ഇത് മാത്രമല്ല, ഈ താപനിലയില്‍ മനുഷ്യര്‍ക്ക് 20 മുതല്‍ 80 ശതമാനം വരെ കുറവ് വരള്‍ച്ച നേരിടേണ്ടിവരും. എന്നാല്‍ ഈ താപനില 3 ഡിഗ്രി സെല്‍ഷ്യസില്‍ എത്തിയാല്‍ അതിന്റെ പ്രത്യാഘാതം വലുതായിരിക്കും. എല്ലാവരിലും ആഘാതം എത്തും. ആഗോളതാപനം മരങ്ങളിലും ചെടികളിലും  വലിയ സ്വാധീനം ചെലുത്തുമെന്നും പഠനം പറയുന്നു.

ഈ പ്രകൃതി ദുരന്തങ്ങള്‍ ഒഴിവാക്കണമെങ്കില്‍ പാരീസ് ഉടമ്പടി പ്രകാരമുള്ള നടപടികള്‍ ഇന്ത്യ ഉടനടി സ്വീകരിക്കേണ്ടിവരുമെന്ന് യുഇഎ പ്രൊഫസര്‍ റേച്ചല്‍ വാറന്‍ പറഞ്ഞു. അങ്ങനെ ഭൂമിയിലും മലകളിലും വെള്ളത്തിലും ആകാശത്തിലുമുള്ള എല്ലാ ജീവജാലങ്ങളെയും രക്ഷിക്കാന്‍ കഴിയും. രണ്ട് തരത്തില്‍ പ്രവൃത്തി നടത്തേണ്ടി വരുമെന്നും റിപ്പോര്‍ട്ടില്‍ പറയുന്നു. കാലാവസ്ഥാ വ്യതിയാനത്തെ എങ്ങനെ തടയാം.രണ്ടാമതായി, കാലാവസ്ഥാ വ്യതിയാനം തീര്‍ച്ചയായും സംഭവിക്കും, അതില്‍ ജീവിക്കാനുള്ള അനുയോജ്യത എങ്ങനെ വികസിപ്പിക്കാം. അതിനാല്‍ മനുഷ്യര്‍ക്കും പ്രകൃതി വിഭവങ്ങള്‍ക്കും ഒരു ദോഷവും സംഭവിക്കുന്നില്ല. കാര്‍ബണ്‍ ഡൈ ഓക്‌സൈഡ് പുറന്തള്ളുന്നത് വേഗത്തില്‍ കുറയ്ക്കുക എന്നതാണ് ആദ്യത്തെ എളുപ്പവഴി.

ഉയരുന്ന താപനില 2 ഡിഗ്രി സെല്‍ഷ്യസിനു താഴെ നിര്‍ത്തിയാല്‍ പോലും ലോകത്തിന് വലിയ നേട്ടമുണ്ടാകും. ഈ പഠനം ആഫ്രിക്ക, ഏഷ്യ, തെക്കേ അമേരിക്ക എന്നീ പ്രദേശങ്ങളെക്കുറിച്ചും ആശങ്ക സൃഷ്ടിക്കുന്നു. അതിനാല്‍, ഉയരുന്ന താപനില ഏത് വിധേനയും തടയേണ്ടതാണ്.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1