അവണൂർ: അച്ഛനെ വിഷം കൊടുത്ത് കൊന്ന കേസിൽ ജാമ്യത്തിലിറങ്ങി മുങ്ങിയ ആയുര്വേദ ഡോക്ടറെ നേപ്പാളില് മരിച്ച നിലയില് കണ്ടെത്തിയെന്ന് ബന്ധുക്കൾ.
തൃശൂര് അവണൂരില് ശശീന്ദ്രന് വധക്കേസ് പ്രതി ഡോ. മയൂര് നാഥിനെയാണ് നേപ്പാളിലെ ഉള്ഗ്രാമത്തിലെ കുളത്തില് മരിച്ച നിലയില് കണ്ടെത്തിയതെന്നാണ് ബന്ധുക്കൾ പൊലീസിനെ അറിയിച്ചു.
കഴിഞ്ഞവര്ഷം ഏപ്രിൽ മാസത്തിലാണ് ഡോ മയൂര് നാഥ് അച്ഛന് ശശീന്ദ്രനെ കടലക്കറിയില് വിഷം കലര്ത്തി കൊലപ്പെടുത്തിയത്.
ജാമ്യത്തില് ഇറങ്ങിയ ശേഷം കാണാതായ ഇയാൾക്കായി തൃശൂര് മെഡിക്കല് കോളജ് പൊലീസ് അന്വേഷണം നടത്തി വരുന്നതിനിടെയാണ് മരണ വിവരം ലഭിക്കുന്നത്. മൃതദേഹം നേപ്പാളില് തന്നെ അടക്കം ചെയ്തെന്നും ബന്ധുക്കൾ പൊലീസിനെ അറിയിച്ചു.
ശശീന്ദ്രന്റെ ആദ്യ ഭാര്യയിലെ മകനാണ് മയൂര്നാഥ്. അമ്മയുടെ മരണത്തിനു കാരണം ശശീന്ദ്രന് ആണെന്നും അമ്മയെ അച്ഛന് സംരക്ഷിക്കാത്തതിലുള്ള പകമൂലമാണ് കൊലപാതകം നടത്തിയതെന്നും ആയിരുന്നു മയൂര്നാഥ് പൊലീസിന് മൊഴി നല്കിയിരുന്നത്. കഴിഞ്ഞ വർഷം ഏപ്രിലിലാണ് 57കാരനായ ശശീന്ദ്രൻ കൊല്ലപ്പെട്ടത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്