തിരുവനന്തപുരം: ബ്രീത്ത് അനലൈസര് ഉപയോഗിച്ച് തുടങ്ങിയതോടെ കെഎസ്ആര്ടിസി ജീവനക്കാര്ക്ക് പണികിട്ടി തുടങ്ങി. മദ്യപിച്ചെത്തിയതിനും ഡ്യൂട്ടിക്കിടയില് മദ്യം സൂക്ഷിച്ചതിനും 100 കെഎസ്ആര്ടിസി ജീവനക്കാര്ക്കെതിരെ അച്ചടക്ക നടപടി സ്വീകരിക്കും.
2024 ഏപ്രില് ഒന്ന് മുതല് 15 വരെ കെഎസ്ആര്ടിസി വിജിലന്റ്സ് സ്പെഷ്യല് സര്പ്രൈസ് ഇന്വെസ്റ്റിഗേഷന് പ്രോഗ്രാമിന്റെ ഭാഗമായാണ് നടപടി. വനിതകള് ഒഴികെയുള്ള ജീവനക്കാരെ ബ്രീത്ത് അനലൈസര് ഉപയോഗിച്ച് പരിശോധ നടത്തി മാത്രമാണ് ഡ്യൂട്ടിക്ക് നിയോഗിക്കുവാന് പാടുള്ളൂ എന്നാണ് നിലവിലെ ഉത്തരവ്. ഇതിന്റെ അടിസ്ഥാനത്തിലാണ് പ്രത്യേക പരിശോധന നടത്തിയത്.
കെഎസ്ആര്ടിസിയുടെ 60 യൂണിറ്റുകളില് നടത്തിയ പരിശോധനയില് ഒരു സ്റ്റേഷന് മാസ്റ്റര്, രണ്ട് വെഹിക്കിള് സൂപ്പര്വൈസര്, ഒരു സെക്യൂരിറ്റി സര്ജന്റ്, ഒന്പത് സ്ഥിര മെക്കാനിക്ക്, ഒരു ബദല് മെക്കാനിക്ക്, 22 സ്ഥിരം കണ്ടക്ടര്മാര്, ഒന്പത് ബദല് കണ്ടക്ടര്, ഒരു കെഎസ്ആര്ടിസി സ്വിഫ്റ്റ് കണ്ടക്ടര്, 39 സ്ഥിരം ഡ്രൈവര്മാര്, 10 ബദല് ഡ്രൈവര്മാര്, അഞ്ച് സ്വിഫ്റ്റ് ഡ്രൈവര് കം കണ്ടക്ടര് എന്നിവരാണ് ഡ്യൂട്ടിക്ക് മദ്യപിച്ചെത്തിയതായി കണ്ടെത്തിയത്.
കെഎസ്ആര്ടിസിയിലെ 74 സ്ഥിരം ജീവനക്കാരെ സസ്പെന്റ് ചെയ്യുകയും സ്വിഫ്റ്റിലെ താല്ക്കാലിക ജീവനക്കാരും കെഎസ്ആര്ടിസിയിലെ ബദല് ജീവനക്കാരും അടങ്ങുന്ന 26 പേരെ സര്വീസില് നിന്നും നീക്കം ചെയ്തിരിക്കുകയാണ്. തൊഴിലാളികളുടെ ഭാഗത്തുനിന്നും ഉണ്ടാകുന്ന ചെറുതും വലുതുമായ തെറ്റുകുറ്റങ്ങള് ജനങ്ങളുടെ സുരക്ഷയെ ബാധിക്കുന്നതിനാലാണ് പ്രത്യേക പരിശോധനക്ക് ഉത്തരവ് നല്കിയിട്ടുള്ളത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്