സുഹാസ് സുബ്രഹ്മണ്യം വിർജീനിയയിൽ നിന്ന് കോൺഗ്രസ് സ്ഥാനാർത്ഥിത്വം പ്രഖ്യാപിച്ചു

NOVEMBER 19, 2023, 7:42 PM

ആഷ്‌ബേൺ, വിഎ ഡെലിഗേറ്റും സെനറ്ററായി തിരഞ്ഞെടുക്കപ്പെട്ട സുഹാസ് സുബ്രഹ്മണ്യം നവംബർ 16ന് വിർജീനിയയിലെ 10-ാം ഡിസ്ട്രിക്റ്റിൽ നിന്നുള്ള കോൺഗ്രസിലേക്കുള്ള തന്റെ സ്ഥാനാർത്ഥിത്വം പ്രഖ്യാപിച്ചു. 

ഇന്ത്യയിലെ ബംഗളുരുവിൽ നിന്നുള്ള ഇന്ത്യൻ മാതാപിതാക്കളുടെ മകനായി ടെക്‌സാസിലെ ഹൂസ്റ്റണിലാണ് സുബ്രഹ്മണ്യം ജനിച്ചത്, അവർ പിന്നീട് വെർജീനിയയിലെ ഡുള്ളസ് എയർപോർട്ട് വഴി അമേരിക്കയിൽ എത്തി. ഒടുവിൽ ടെക്‌സാസിലെ ഹൂസ്റ്റണിൽ സ്ഥിരതാമസമാക്കി. ക്ലിയർ ലേക്ക് ഹൈസ്‌കൂളിൽ പഠിച്ച അദ്ദേഹം തുലെയ്ൻ യൂണിവേഴ്‌സിറ്റിയിൽ നിന്ന് തത്ത്വചിന്തയിൽ ബിരുദം നേടി.

37 കാരനായ സുഹാസ് സുബ്രഹ്മണ്യം ഒരു അമേരിക്കൻ അഭിഭാഷകനും 87-ാമത്തെ ജില്ലയെ പ്രതിനിധീകരിക്കുന്ന വിർജീനിയ ഹൗസ് ഓഫ് ഡെലിഗേറ്റ്‌സിലെ അംഗവുമാണ്. ഒരു ഡെമോക്രാറ്റായ അദ്ദേഹം 2019ൽ തിരഞ്ഞെടുക്കപ്പെട്ടു. വിർജീനിയ ജനറൽ അസംബ്ലിയിലേക്ക് തിരഞ്ഞെടുക്കപ്പെടുന്ന ആദ്യത്തെ ഇന്ത്യൻ - അമേരിക്കൻ, ദക്ഷിണേഷ്യൻ, ഹിന്ദുവാണ്. നോർത്ത് വെസ്‌റ്റേൺ യൂണിവേഴ്‌സിറ്റിയിൽ നിന്ന് നിയമ ബിരുദം നേടിയ ശേഷം പ്രസിഡന്റ് ബരാക് ഒബാമയുടെ വൈറ്റ് ഹൗസ് ഉപദേശകനായി സേവനമനുഷ്ഠിച്ചിട്ടുണ്ട്.

vachakam
vachakam
vachakam

വൈറ്റ് ഹൗസിനുശേഷം, അദ്ദേഹം ലൗഡൗൺ കൗണ്ടിയിൽ സ്വന്തം ചെറുകിട ബിസിനസ്സ് ആരംഭിക്കുകയും ഇഎംടി, അഗ്‌നിശമനസേനാ ഉദ്യോഗസ്ഥൻ എന്നീ നിലകളിൽ സേവനമനുഷ്ഠിക്കുകയും ചെയ്തു.

'യു എസ് ഹൗസിലെ റിപ്പബ്ലിക്കൻ നേതൃത്വം നമ്മുടെ ജനാധിപത്യത്തെ തുരങ്കം വയ്ക്കുന്നു, എല്ലാ ഗർഭച്ഛിദ്രങ്ങളും രാജ്യവ്യാപകമായി നിരോധിക്കാൻ ശ്രമിക്കുന്നു, കൂടാതെ സാമൂഹിക സുരക്ഷയും മെഡികെയറും വെട്ടിക്കുറയ്ക്കുന്നു. അവരുടെ തീവ്രവാദവും രാഷ്ട്രീയ കളികളും വടക്കൻ വിർജീനിയ കുടുംബങ്ങൾക്ക് ചെലവ് കുറയ്ക്കാനോ കാര്യങ്ങൾ മെച്ചപ്പെടുത്താനോ ഒന്നും ചെയ്തില്ല ഒരു പ്രസ്താവനയിൽ അദ്ദേഹം പറഞ്ഞു.

പി.പി. ചെറിയാൻ

vachakam
vachakam
vachakam

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
vachakam
RELATED NEWS
vachakam