ട്രോളന്മാര്‍ വിനാശകാരികളായ വൈറസുകളാണ് : ഖുഷ്​ബു

MAY 9, 2021, 10:14 AM

സമൂഹത്തില്‍ നിഷേധ സമീപനം പടര്‍ത്താന്‍ ഭീരുക്കളായ ട്രോളന്മാര്‍ക്ക്​ എവിടെനിന്നാണ്​ ഊര്‍ജം കിട്ടുന്ന​തെന്ന്​ തനിക്ക്​ അതിശയം തോന്നുന്നതായി നടിയും ബി.ജെ.പി നേതാവുമായ ഖുഷ്​ബു സുന്ദര്‍. ഇന്നത്തെ സാഹചര്യത്തില്‍ കൊടിയ ​ൈവറസുകള്‍ ഇവരാണെന്നും നടിയുടെ ട്വീറ്റ്​

ബി.ജെ.പിയെയാണോ നിങ്ങള്‍ ഉദ്ദേശിച്ചതെന്ന്​ ചോദിച്ച്‌​ ട്വീറ്റിന്​ കീഴെ കമന്‍റുകളുടെ പൊങ്കാലയുമായി നെറ്റിസണ്‍സ്. ​

‘സമൂഹത്തില്‍ നിഷേധ സമീപനം പടര്‍ത്താന്‍ ഭീരുക്കളായ ട്രോളന്മാര്‍ക്ക്​ എവിടെനിന്നാണ്​ ഊര്‍ജം കിട്ടുന്നതെന്ന്​ അതിശയം തോന്നുന്നു. ഇന്ന്​ ഏറ്റവും വിനാശകാരികളായ വൈറസുകള്‍ ഇവരാണ്​’ -ഖുഷ്​ബുവി​ന്റെ ട്വീറ്റ്​ ഇതായിരുന്നു. ആരെയാണ്​ ഉന്നമിടുന്നതെന്ന്​ വ്യക്​തമാക്കാതെയുള്ള ട്വീറ്റ്​ പോസ്​റ്റ്​ ചെയ്​തതിനു പിന്നാലെ നടിയെ കളിയാക്കി നിരവധി പേരാണ്​ രംഗത്തെത്തിയത്​.

vachakam
vachakam
vachakam

‘നിങ്ങള്‍ ബി.ജെ.പി ഐ.ടി സെല്ലിനെയാണോ ഉദ്ദേശിച്ചത്​?, ‘വെറുപ്പി​ന്റെയും നിഷേധാത്​മകകതയുടെയും പ്രഭവകേന്ദ്രം ബി.ജെ.പിയാണ്​’ ,’അവര്‍ ഗോമൂത്രം കുടിച്ചിട്ടുണ്ടാകുമോ? നിങ്ങളുടെ പാര്‍ട്ടി അംഗങ്ങളില്‍തന്നെ അവരെ തെരഞ്ഞാല്‍ പോ​രേ?’, ‘അതേ മാഡം, ജനം ദുരിതമനുഭവിക്കു​മ്പോൾ പൊങ്ങച്ചക്കൊട്ടാരം കെട്ടുകയാണവര്‍. അത്രയും നെഗറ്റീവായ ആളുകളാണ്​’, ‘ഇന്ത്യയില്‍ ആരാണ്​ നിഷേധാത്​മക സമീപനം സ്വീകരിക്കുന്നതെന്ന്​ സാമാന്യബുദ്ധിയുള്ള ആളുകള്‍ക്കറിയാം’, ‘നിങ്ങളും അവരില്‍പെട്ടയാളാണ്​. ഇപ്പോള്‍ നല്ലയാള്‍ ചമഞ്ഞ്​ സംസാരിക്കുന്നു’, ‘എന്തൊരു ബുദ്ധിപൂര്‍വകമായ സെല്‍ഫ്​ ഗോള്‍’, ‘നിങ്ങളുടെ നേതാവാണ്​ ‘ദീദീ ഓ ദീദി’ പാടി നടക്കുന്നത്​. അദ്ദേഹത്തോട്​ ​ചോദിക്കൂ’, ‘ബി.ജെ.പി വൈറസിനേക്കാള്‍ അപകടകാരിയായ മറ്റൊന്നും ഈ ലോകത്തില്ല’, ‘നിങ്ങളുടെ പാര്‍ട്ടിയില്‍നിന്നാണ്​ അവര്‍ക്ക്​ ഫണ്ട്​ കിട്ടിക്കൊണ്ടിരിക്കുന്നത്​’, ‘എന്തിനാണ്​ ട്വിറ്ററില്‍വന്ന്​ ചോദിക്കുന്നത്​? നിങ്ങളുടെ ഐ.ടി സെല്ലിനോട്​ ചോദിക്കൂ’, ….തുടങ്ങി നിരവധി കമന്‍റുകളാണ്​ മിനിറ്റുകള്‍ക്കകം ഖുഷ്​ബുവിനെ പരിഹസിച്ച്‌​ ട്വീറ്റിനു താഴെ പോസ്​റ്റ്​ ചെത്​തത്​.

തമിഴകത്തെ ജനപ്രിയ നടിയായിരുന്ന ഖുഷ്​ബു കോണ്‍ഗ്രസില്‍നിന്ന്​ രാജിവെച്ച്‌​ കഴിഞ്ഞ ഒക്​ടോബറിലാണ്​ ബി.ജെ.പിയില്‍ ​ചേര്‍ന്നത്​. തമിഴ്​നാട്​ നിയമസഭ തെരഞ്ഞെടുപ്പില്‍ മത്സരിച്ച ഖുഷ്​ബുവിന്​ കനത്ത പരാജയം ഏറ്റുവാങ്ങേണ്ടി വന്നിരുന്നു.

vachakam
vachakam
vachakam

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
vachakam
RELATED NEWS
vachakam
vachakam