ദില്ലി: എഐസിസിയുടെ നിര്ദ്ദേശം അംഗീകരിച്ച് രാജസ്ഥാൻ കോൺഗ്രസിലെ പൊട്ടിത്തെറിയ്ക്ക് അയവ്. ആഴ്ചകൾ നീണ്ട ശീത യുദ്ധത്തിന് ശേഷം സച്ചിനും ഗെലോട്ടും ഒന്നിച്ച് മാധ്യമങ്ങൾക്ക് മുന്നിലെത്തി.
ഭാരത് ജോഡോ യാത്രയുടെ ഒരുക്കങ്ങള് വിലയിരുത്താന് രാജസ്ഥാനിലെത്തിയ കെ സി വേണുഗാപാല് ഗെലോട്ടും സച്ചിന് പൈലറ്റുമായി സംസാരിച്ചു.
യാത്ര കഴിഞ്ഞാല് പ്രശ്ന പരിഹാരമുണ്ടാകുമെന്ന് ഹൈക്കമാന്ഡ് സന്ദേശം ഇരുവരെയും അറിയിച്ചു. തുടര്ന്ന് ഇരുവരും ചേര്ന്ന് മാധ്യമങ്ങളെ കാണുകയായിരുന്നു. രാഹുല് ഗാന്ധി പറഞ്ഞത് പോലെ താനും സച്ചിന് പൈലറ്റും പാര്ട്ടിയുടെ സ്വത്താണെന്ന് അശോക് ഗെലോട്ട് പറഞ്ഞു.
ഭാരത് ജോഡോ യാത്ര വിജയമാക്കുമെന്നും അടുത്ത തെരഞ്ഞെടുപ്പിലും സംസ്ഥാനത്ത് കോണ്ഗ്രസിന് അനുകൂല അന്തരീക്ഷമാണെന്നും ഗെലോട്ട് അവകാശപ്പെട്ടു. യാത്രയെ പ്രവര്ത്തകര് ആവേശത്തോടെ വരവേല്ക്കുമെന്ന് സച്ചിന് പൈലറ്റും വ്യക്തമാക്കി.
ഡിസംബര് ആദ്യവാരം രാഹുല് ഗാന്ധി നയിക്കുന്ന ഭാരത് ജോഡോ യാത്ര സംസ്ഥാനത്തെത്തും. രാജസ്ഥാന് കോണ്ഗ്രസിലെ പൊട്ടിത്തെറിയില് നടപടിയുണ്ടായേക്കുമെന്ന് എഐസിസി സൂചന നൽകിയിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്