ഫോമയുടെ സ്വന്തം വിവാഹം - ജോസഫ് ഔസോ, സുജ ഔസോയും പത്താം വാർഷികത്തിലേക്ക്

AUGUST 2, 2022, 10:27 AM

2012 ഓഗസ്റ്റ് ഒന്നാം തീയതി ഫോമയുടെ കൺവെൻഷന്റെ ഭാഗമായി ന്യൂയോർക്കിൽ നിന്നും കാനഡയിലേക്ക് പുറപ്പെട്ട കാർണിവൽ ഗ്ലോറി കപ്പലിൽ വെച്ച് വിവാഹിതരായ ജോസഫ് ഔസോ സുജ ഔസോ ദമ്പതികൾ പത്താം വിവാഹ വാർഷികം ആഘോഷിക്കുകയാണ്. അവരുടെ വിവാഹത്തിനുവേണ്ട എല്ലാ സൗകര്യങ്ങളും ഒരുക്കിയത് അന്നത്തെ പ്രസിഡന്റായിരുന്ന ജോൺ ബേബി ഊരാളിലും ജനറൽ സെക്രട്ടറി ബിനോയ് തോമസും ട്രഷറർ ആയിരുന്ന ഷാജി എഡ്വാർഡും ആയിരുന്നു.

ഫോമയുടെ മുതിർന്ന നേതാക്കളായ ശശിധരൻ നായർ ജോൺ ടൈറ്റസ്, രാജു വർഗീസ്, ജോർജ് മാത്യു, ജോൺ സി വർഗീസ്, സജി എബ്രഹാം, ഡോക്ടർ ജേക്കബ് തോമസ് എന്നിവരെ കൂടാതെ പന്ത്രണ്ടോളം സിനിമാതാരങ്ങളും ഇവരുടെ വിവാഹ കർമ്മത്തിന് സാക്ഷികളായിരുന്നു. ഫോമയുടെ ഇപ്പോഴത്തെ പ്രസിഡന്റായ അനിയൻ ജോർജ് ആയിരുന്നു ജോസഫ് ഔസോയുടെ ബെസ്റ്റ് മാൻ.

ഹോമയുടെ സ്ഥാപക നേതാക്കളിൽ ഒരാളായിരുന്നു ജോസഫ് ഔസോ ആദ്യ നാഷണൽ കമ്മിറ്റി അംഗവും 2010-2012 കാലയളവിൽ ട്രഷററും കൂടിയായിരുന്നു. ബൈലോ കമ്മിറ്റി ചെയർമാൻ, അഡൈ്വസറി കമ്മിറ്റി  വൈസ് ചെയർമാൻ എന്നീ സ്ഥാനങ്ങളിൽ സേവനമനുഷ്ട്ടിച്ചിരുന്ന ജോസഫ് ഔസോ രാജു ചാമതിലിന്റെ കാലയളവിൽ ഫോമയുടെ ഹൗസിംഗ് പ്രോജക്ട് നാഷണൽ കോർഡിനേറ്ററായി പ്രവർത്തിക്കുകയും വൈപ്പിൻ, കടപ്ര, മലപ്പുറം എന്നി സ്ഥലങ്ങളിൽ നാല്പതോളം കുടുംബങ്ങൾ വീട് വെച്ച് നൽകുന്ന പ്രവർത്തനങ്ങളിൽ ഇപ്പോഴത്തെ ജനറൽ സെക്രട്ടറി ടി. ഉണ്ണികൃഷ്ണൻ, ബിജുതോണിക്കടവിൽ എന്നിവരോടൊപ്പംചേർന്ന് പ്രവർത്തിക്കുകയും ചെയ്തിട്ടുണ്ട്.

vachakam
vachakam
vachakam

കേരളത്തിലും യുഎസിലുമായി നിരവധി ചാരിറ്റി പ്രവർത്തനങ്ങൾ ചെയ്തു വരുന്ന അദ്ദേഹം ആർ.സി.സി ചിൽഡ്രൻസ് ഓൺകോളജി വാർഡിനായി 10,000ഡോളർ നൽകുകയും ചെയ്തിട്ടുണ്ട്. നിലവിൽ ആദ്ദേഹം ഫോമാ വെസ്റ്റേൺ റീജിയന്റെ നാഷണൽ കമ്മിറ്റി അംഗവും, സൂസൻ ഡാനിയൽ ക്യാൻസർ റിലീഫ് ഫണ്ടിന്റെ ഡയറക്ടറുമായി സേവനം അനുഷ്ഠിക്കുന്നു.

അമേരിക്കൻ മലയാളികളുടെ കൺവെൻഷനുകളിൽ വെച്ച് ഇന്ന് വരെ നടന്നിട്ടുള്ള ഒരേയൊരു വിവാഹമാണ് ഔസോ സുജ ദമ്പതികളുടേത്, അതിനാൽ തന്നെയാണ് ഇതൊരുഫോമാ വിവാഹമാകുന്നതും.

ഔസോച്ചായനെ സംബന്ധിച്ചിടത്തോളം ഫോമായിലുള്ളവരാണ് അദ്ദേഹത്തിന്റെ കുടുംബം, ഫോമയെ അത്രത്തോളം സ്‌നേഹിക്കുന്ന ഔസോച്ചൻ ഫോമയുടെ അടുത്ത കാൻകൂൺ കൺവെൻഷന് വേണ്ടി പോകുവാനായി കാത്തിരിക്കുകയാണ് തന്റെ കുടുബാംഗങ്ങളെ നാലു വർഷത്തിന്‌ശേഷം വീണ്ടും ഒരുമിച്ചു കാണുവാൻ. അദ്ദേഹത്തിന് ഫോമാ കൺവെൻഷനുകൾ കുടുംബസംഗമം പോലെയാണ് .

vachakam
vachakam
vachakam

ഔസോ-സുജ ദമ്പതികൾക്ക് പത്താം വിവാഹ മംഗളാശംസകൾ 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
RELATED NEWS
vachakam