റഷ്യയെ പരാജയപ്പെടുത്തുന്നതുവരെ ഗ്യാസിന് കൂടുതൽ വില നൽകേണ്ടിവരുമെന്ന് ബൈഡൻ

JULY 2, 2022, 12:38 PM

മാഡ്രിഡ്:റഷ്യൻ പ്രസിഡന്റ് വ്‌ളാഡ്മിർ പുട്ടിൻ ഉക്രൈൻ അധിനിവേശം അവസാനിപ്പിക്കുകയോ ഉക്രൈൻസേന വിജയം കൈവരിക്കുകയോ ചെയ്യുന്നതുവരെ അമേരിക്കൻ ജനത ഗ്യാസ് അമിതവില നൽകുവാൻ തയ്യാറാകും എന്ന് അമേരിക്കൻ പ്രസിഡന്റ് ജോ ബൈഡൻ പറഞ്ഞു.

നെറ്റോ സമ്മിറ്റ് സമാപന ദിനം മാഡ്രിഡിൽ വാർത്താസമ്മേളനം നടത്തുന്നതിനിടെയാണ് അമേരിക്കൻ ജനതയുടെ അഭിപ്രായം മാധ്യമപ്രവർത്തകരെ അറിയിച്ചത്. റഷ്യക്കെതിരെ കൂടുതൽ ഉപരോധം ഏർപ്പെടുത്തുമെന്നും ബൈഡൻ പറഞ്ഞു.

ഇത്തരം പ്രസ്താവന നടത്തുന്നതിന് മുൻപ് അമേരിക്കൻ ജനതയുമായി ഈ വിഷയത്തെക്കുറിച്ച് ആശയവിനിമയം നടത്തിയോ എന്ന ചോദ്യത്തിനും എത്ര കാലം അമേരിക്കൻ ജനത അമിത വില നൽകേണ്ടി വരുമെന്ന ചോദ്യത്തിനും റഷ്യയെ പരാജയപ്പെടുത്താൻ എത്രകാലം എടുക്കമോ അത്രയും എന്നതായിരുന്നു മറുപടി.

vachakam
vachakam
vachakam

നാലു മാസം പിന്നിട്ട യുദ്ധം അവസാനികുന്നതിന്  എത്ര സമയം എടുക്കുമെന്നു  പ്രവചിക്കാൻ ആകില്ലെന്നും ബൈഡൻ കൂട്ടിച്ചേർത്തു. അമേരിക്കയിൽ ഗ്യാസിന്റെ  ശരാശരി വില ഗ്യാലൻ അഞ്ച് ഡോളറിൽ എത്തിനിൽക്കുന്നു. ഇത് സർവകാല റെക്കോഡാണ് നാഷണൽ റിസർവിൽ നിന്നും നല്ലൊരു പങ്ക് ക്രൂഡോയിൽ വിട്ടു നൽകിയിട്ടും ഫെഡറൽ ടാക്‌സിനു  മൂന്നു മാസത്തെ അവധി നൽകിയിട്ടും ഗ്യാസ് വിലയിൽ  കാര്യമായ കുറവൊന്നും സംഭവിച്ചിട്ടില്ല എന്നതാണ് അമേരിക്കയിലെ സാധാരണക്കാർക്കും  അതേസമയം ഗവൺമെന്റിനും ഒരേപോലെ  തലവേദന സൃഷ്ടിക്കുന്നത്

സ്വന്തം പാർട്ടിയിൽ നിന്നുതന്നെ ബൈഡൻ  വിമർശനം നേരിടേണ്ടി വരികയും, അപ്രൂവൽ റേറ്റ്  കുത്തനെ താഴെ പോകുകയും ചെയ്തിരിക്കുന്ന സമയമാണിത്.

പണപ്പെരുപ്പത്തെ കുറിച്ചുള്ള അഭിപ്രായം 'ഇത് എന്റെ കുറ്റമല്ല' ആഗോളവ്യാപകമാണ്  എന്ന  യാഥാർത്ഥ്യം അംഗീകരിക്കേണ്ടിയിരിക്കുന്നുവെന്നും ബൈഡൻ പറഞ്ഞു.

vachakam
vachakam
vachakam

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
RELATED NEWS
vachakam