തിരുവനന്തപുരം: ഓണക്കിറ്റില് ഇക്കുറി വെളിച്ചെണ്ണ ഉണ്ടാവില്ല. വെളിച്ചെണ്ണ പ്രത്യേകമായി റേഷന് കട വഴി ലഭ്യമാക്കുമെന്ന് മന്ത്രി ജി.ആര്.അനില് അറിയിച്ചു.
വെളിച്ചെണ്ണ പൊട്ടിയൊഴുകി കിറ്റ് നാശമാകാതിരിക്കാനാണിത്. ചിങ്ങം ഒന്നിനു ശേഷം കിറ്റ് വിതരണം ആരംഭിക്കും.
ആദ്യം അന്ത്യോദയ കാര്ഡുടമകള്ക്കാണ് നല്കുക. പിന്നീട്, പി.എച്ച്.എച്ച് കാര്ഡ് ഉടമകള്ക്കും ശേഷം നീല, വെള്ള കാര്ഡുകാര്ക്കും ലഭിക്കും.
നിശ്ചിത തീയതിക്കകം കിറ്റ് വാങ്ങാന് കഴിയാത്തവര്ക്ക് ഏറ്റവുമൊടുവില് നാലു ദിവസം അനുവദിക്കുമെന്നും മന്ത്രി പറഞ്ഞു. ഓണക്കിറ്റ് പാക്കിങ് നടക്കുന്ന തിരുവനന്തപുരം വഞ്ചിയൂര് സര്ക്കാര് ഹൈസ്കൂളിലെ കേന്ദ്രം സന്ദര്ശിക്കുകയായിരുന്നു മന്ത്രി.
ഓണക്കിറ്റുകളുടെ പാക്കിങ് പൂര്ത്തിയായിവരുന്നു. തുണിസഞ്ചിയടക്കം 14 ഉല്പന്നങ്ങള് അടങ്ങിയ ഇത്തവണത്തെ ഓണക്കിറ്റ് വീട്ടമ്മമാരാണ് പാക്ക് ചെയ്യുന്നത്.
കഴിഞ്ഞ തവണത്തെക്കാള് മെച്ചപ്പെട്ട ഉല്പന്നങ്ങളും പാക്കിങ്ങുമാണ് ഇത്തവണയെന്ന് മന്ത്രി പറഞ്ഞു. കൗണ്സിലര് രാഖി രവികുമാര്, സപ്ലൈകോ തിരുവനന്തപുരം റീജനല് മാനേജര് ജലജ ജി.എസ്. റാണി, ഡിപ്പോ മാനേജര് അനില്കുമാര്.ജെ എന്നിവരും ഉണ്ടായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്