ഡല്‍ഹി: പോക്‌സോ നിയമം വലിയ തോതില്‍ ദുരുപയോഗം ചെയ്യപ്പെടുന്നുവെന്നും ഇത് മാറ്റാന്‍ സര്‍ക്കാരിനെ നിര്‍ബന്ധിക്കുമെന്നും പോക്സോ നിയമപ്രകാരം കേസെടുത്തിട്ടുള്ള റെസ്ലിംഗ് ഫെഡറേഷന്‍ ഓഫ് ഇന്ത്യ (ഡബ്ല്യുഎഫ്ഐ) പ്രസിഡന്റ് ബ്രിജ് ഭൂഷണ്‍ സിംഗ് പറഞ്ഞു.

കൈസര്‍ഗഞ്ചില്‍ നിന്നുള്ള ബിജെപി എംപിയായ ബ്രിജ് ഭൂഷണ്‍ സിംഗ്, പ്രായപൂര്‍ത്തിയാകാത്ത പെണ്‍കുട്ടി ഉള്‍പ്പെടെയുള്ള വനിതാ ഗുസ്തിക്കാരെ ലൈംഗികമായി ഉപദ്രവിച്ചതിന്റെ പേരില്‍ ആരോപണം നേരിടുകയാണ്. വിനേഷ് ഫോഗട്ട്, സാക്ഷി മാലിക്, ബജ്റംഗ് പുനിയ എന്നിവരുള്‍പ്പെടെ രാജ്യത്തെ പ്രമുഖര്‍ ഏപ്രില്‍ 23 മുതല്‍ ഡല്‍ഹിയിലെ ജന്തര്‍മന്തറില്‍ ഡബ്ല്യുഎഫ്ഐ മേധാവിക്കെതിരെ പ്രതിഷേധിക്കുകയും അറസ്റ്റ് ചെയ്യണമെന്ന് ആവശ്യപ്പെടുകയും ചെയ്യുന്നു.

'കുട്ടികള്‍ക്കും പ്രായമായവര്‍ക്കും എതിരെ ഈ നിയമം ദുരുപയോഗം ചെയ്യപ്പെടുന്നു. ഉദ്യോഗസ്ഥര്‍ പോലും അതിന്റെ ദുരുപയോഗത്തില്‍ നിന്ന് ഒഴിവാകുന്നില്ല. പോക്‌സോ നിയമം മാറ്റാന്‍ ഞങ്ങള്‍ സര്‍ക്കാരിനെ നിര്‍ബന്ധിക്കും' അദ്ദേഹം പറഞ്ഞതായി വാര്‍ത്താ ഏജന്‍സിയായ പിടിഐ പറഞ്ഞു.

ജൂണ്‍ അഞ്ചിന് നടക്കുന്ന അയോധ്യയില്‍ നടക്കുന്ന റാലിയില്‍ 11 ലക്ഷം പേര്‍ പങ്കെടുക്കുമെന്നും ബ്രിജ് ഭൂഷണ്‍ സിംഗ് അവകാശപ്പെട്ടു. തനിക്കെതിരെ ഉയര്‍ന്ന ആരോപണങ്ങളെല്ലാം തെറ്റാണെന്ന് ബ്രിജ് ഭൂഷണ്‍ സിംഗ് ആവര്‍ത്തിച്ചു. പോക്‌സോ നിയമം കോണ്‍ഗ്രസ് സര്‍ക്കാര്‍ കൊണ്ടുവന്നത് അതിന്റെ വിവിധ വശങ്ങള്‍ പരിശോധിക്കാതെയാണെന്നും അദ്ദേഹം ആരോപിച്ചു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്