ന്യൂഡൽഹി: അയോധ്യയിലെ രാമജന്മഭൂമി പ്രക്ഷോഭം ചരിത്ര പാഠപുസ്തകങ്ങളിൽ ഉൾപ്പെടുത്താൻ എൻസിഇആർടി നിയോഗിച്ച വിദഗ്ധ സമിതി ശുപാർശ ചെയ്തു.

ആധുനിക ചരിത്രത്തിന്റെ ഭാഗമായി രാമജന്മഭൂമി സമരവും പരാമർശിക്കണമെന്ന് വിദഗ്ധ സമിതി റിപ്പോർട്ട് പറയുന്നു. ക്ലാസിക്കൽ കാലഘട്ടത്തിലെ ചരിത്രത്തിൽ രാമായണം, മഹാഭാരതം, വേദങ്ങൾ എന്നിവ പഠിപ്പിക്കണമെന്ന് പ്രൊഫസർ സിഐ ഐസക്ക് അധ്യക്ഷനായ സോഷ്യോളജി ഡിപ്പാർട്ട്‌മെന്റ് ടെക്‌സ്‌റ്റ്ബുക്ക് റിവിഷൻ വിദഗ്ധ സമിതിയും നിർദേശിച്ചു.

കൂടാതെ സ്വാതന്ത്ര്യസമരത്തില്‍ സുഭാഷ് ചന്ദ്രബോസ് അടക്കമുള്ളവരുടെ സംഭാവനകള്‍ കൂടുതലായി പാഠപുസ്കത്തില്‍ ഉള്‍പ്പെടുത്തണമെന്നും സമിതി നിര്‍ദേശിക്കുന്നു. നേരത്തെ രാജ്യത്തിന്‍റെ പേര് ഭാരതം എന്ന് ഉപയോഗിക്കണമെന്ന് സമിതി നിര്‍ദേശിച്ചത് ഏറെ ചര്‍ച്ചയായിരുന്നു.

“ചരിത്രത്തെ നാല് കാലഘട്ടങ്ങളായി തരംതിരിക്കുന്നതിന് പാനൽ ശുപാർശകൾ നൽകിയിട്ടുണ്ട്: ക്ലാസിക്കൽ കാലഘട്ടം, മധ്യകാലഘട്ടം, ബ്രിട്ടീഷ് കാലഘട്ടം, ആധുനിക ഇന്ത്യ. 

ഇതുവരെ, ഇന്ത്യൻ ചരിത്രത്തിന് മൂന്ന് തരംതിരിവുകൾ മാത്രമേ ഉണ്ടായിരുന്നുള്ളൂ - പുരാതന, മധ്യകാല, ആധുനിക ഇന്ത്യ. ഇന്ത്യയുടെ ചരിത്രത്തെ രൂപപ്പെടുത്തിയ വിവിധ രാജവംശങ്ങൾക്ക് പാഠപുസ്തകങ്ങളിൽ ഇടം നൽകാനും ഈ നിർദ്ദേശങ്ങൾ ശുപാർശ ചെയ്യുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്