ഡല്‍ഹി: 10 വര്‍ഷത്തേക്ക് സാധുതയുള്ള പുതിയ സാധാരണ പാസ്പോര്‍ട്ട് ലഭിക്കുന്നതിന് നോ ഒബ്ജക്ഷന്‍ സര്‍ട്ടിഫിക്കറ്റ് എന്ന കോണ്‍ഗ്രസ് നേതാവ് രാഹുല്‍ ഗാന്ധിയുടെ സമീപകാല അപേക്ഷയെ നാഷണല്‍ ഹെറാള്‍ഡ് കേസിലെ പരാതിക്കാരനായ ബിജെപി നേതാവ് സുബ്രഹ്‌മണ്യന്‍ സ്വാമി എതിര്‍ത്തു. ലോക്സഭാ എംപിയെന്ന നിലയില്‍ അയോഗ്യനാക്കപ്പെട്ടതിനെ തുടര്‍ന്ന് രാഹുല്‍ഗാന്ധി തന്റെ നയതന്ത്ര പാസ്പോര്‍ട്ട് സറണ്ടര്‍ ചെയ്തിരുന്നു.

ഡല്‍ഹി കോടതിയിലാണ് സ്വാമിയുടെ പ്രതികരണം. 10 വര്‍ഷത്തേക്ക് പാസ്പോര്‍ട്ട് നല്‍കുന്നതിന് സാധുതയുള്ളതോ നിര്‍ബന്ധിതമോ ആയ കാരണം രാഹുല്‍ഗാന്ധി നല്‍കിയിട്ടില്ലെന്ന് അദ്ദേഹം വാദിച്ചു.

ഒരു ദശാബ്ദത്തോളം നീണ്ടുനില്‍ക്കുന്ന പാസ്പോര്‍ട്ട് ഇഷ്യൂ ചെയ്യുന്നതിന് ആവശ്യമായ യോഗ്യത രാഹുല്‍ ഗാന്ധിക്ക് ഇല്ലായിരുന്നുവെന്ന് സ്വാമി തന്റെ സബ്മിഷനില്‍ എടുത്തുപറഞ്ഞു.മറ്റ് മൗലികാവകാശങ്ങളെപ്പോലെ പാസ്പോര്‍ട്ട് കൈവശം വയ്ക്കാനുള്ള അവകാശവും ദേശീയ സുരക്ഷ, പൊതു ക്രമം, ധാര്‍മ്മികത, കുറ്റകൃത്യങ്ങള്‍ തടയല്‍ തുടങ്ങിയ കാരണങ്ങളാല്‍ സര്‍ക്കാരിന് നിയന്ത്രിക്കാമെന്നും ബിജെപി നേതാവ് പറഞ്ഞു.

പൗരത്വവുമായി ബന്ധപ്പെട്ട് ആഭ്യന്തര മന്ത്രാലയം നല്‍കിയ നോട്ടീസിന് രാഹുല്‍ ഗാന്ധി പ്രതികരിച്ചില്ലെന്നും സുബ്രഹ്‌മണ്യന്‍ സ്വാമി ആരോപിച്ചു. 2019 ഏപ്രില്‍ 29 ന് എംഎച്ച്എ രാഹുല്‍ ഗാന്ധിക്ക് നോട്ടീസ് അയച്ചു, രണ്ടാഴ്ചയ്ക്കകം തന്റെ പൗരത്വത്തെക്കുറിച്ചുള്ള വസ്തുതാപരമായ നിലപാട് വെളിപ്പെടുത്താന്‍ ഗാന്ധിയോട് ആവശ്യപ്പെട്ടു. കേസ് മെയ് 26 ന് പരിഗണിക്കും. 

മുന്‍ സെഷനില്‍, എന്‍ഒസിക്കുള്ള ഗാന്ധിയുടെ അഭ്യര്‍ത്ഥനയെ എതിര്‍ത്തതിനെത്തുടര്‍ന്ന് മറുപടി ഫയല്‍ ചെയ്യാന്‍ കോടതി സ്വാമിയെ അനുവദിച്ചു. എന്നാല്‍ 2018 മുതല്‍ കേസ് നിലനില്‍ക്കുന്നതിനാല്‍ രാഹുല്‍ ഗാന്ധി ഒളിവില്‍ പോകുമെന്ന ആശങ്കയില്ലെന്ന് കോടതി വാക്കാല്‍ നിരീക്ഷിച്ചു.

എല്ലാ വ്യക്തികള്‍ക്കും യാത്ര ചെയ്യാനുള്ള മൗലികാവകാശം വീണ്ടും ഉറപ്പിച്ചുകൊണ്ട് രാഹുല്‍ ഗാന്ധിയുടെ യാത്രാ നിയന്ത്രണങ്ങള്‍ സംബന്ധിച്ച മുന്‍ അപേക്ഷകള്‍ തള്ളിയെന്നും കോടതി ചൂണ്ടിക്കാട്ടി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്