ഇന്ത്യ-പാക് മത്സരത്തിന് ശേഷം ലെസ്റ്ററിലെ അസ്വസ്ഥതകൾ പുനഃപരിശോധിക്കാൻ യുകെ ഉത്തരവിട്ടു

MAY 27, 2023, 8:00 AM

ലണ്ടന്‍: ലെസ്റ്ററില്‍ കഴിഞ്ഞ വര്‍ഷം ഹിന്ദുക്കളും മുസ്ലീങ്ങളും തമ്മില്‍ നടന്ന ആഭ്യന്തര കലാപത്തെക്കുറിച്ച് സ്വതന്ത്ര അവലോകനം നടത്താന്‍ യുകെ സര്‍ക്കാര്‍ തീരുമാനം. 2022 ആഗസ്ത്, സെപ്തംബര്‍ മാസങ്ങളില്‍ ആരാധനാലയങ്ങള്‍ക്കും വീടുകള്‍ക്കും കാറുകള്‍ക്കും നേരെയുള്ള നശീകരണത്തിനും ആക്രമണങ്ങള്‍ക്കും കാരണമായ കലാപത്തെക്കുറിച്ചുള്ള സര്‍ക്കാര്‍ നേതൃത്വത്തിലുള്ള ആദ്യത്തെ അവലോകനമാണിത്. യുകെ സ്റ്റേറ്റ് സെക്രട്ടറി മൈക്കല്‍ ഗോവ് അവലോകനത്തിന് ഉത്തരവിട്ടു.

വെസ്റ്റ് മിഡ്ലാന്‍ഡ്സിലെ മുന്‍ മന്ത്രി ലോര്‍ഡ് ഓസ്റ്റിനെ ചെയര്‍മാനായി അദ്ദേഹം നിയമിച്ചു, അശാന്തിയുടെ കാലഘട്ടത്തിലും സംഭവങ്ങളുടെ ക്രമത്തിലും നടന്നതിന്റെ വസ്തുതകള്‍ സ്ഥാപിക്കുന്ന ഒരു സ്വതന്ത്ര പാനലിനെ നയിക്കും. അശാന്തിയുടെ കാരണങ്ങളുടെ വിശകലനം പാനല്‍ അവതരിപ്പിക്കും, ഭാവിയില്‍ ഉണ്ടാകാനിടയുള്ള സമാന സംഭവങ്ങള്‍ എങ്ങനെ തടയാം എന്നതിന് പ്രായോഗിക ശുപാര്‍ശകള്‍ നല്‍കും, പ്രാദേശികമായി സാമൂഹിക ഐക്യം ശക്തിപ്പെടുത്തുന്നതിനുള്ള നിര്‍ദ്ദേശങ്ങളും ആശയങ്ങളും തയ്യാറാക്കും.

സര്‍ക്കാര്‍ നടത്തുന്ന അവലോകനം ായതിനാല്‍ മുന്‍ റിപ്പോര്‍ട്ടുകളേക്കാള്‍ കൂടുതല്‍ ഭാരമുണ്ട് ഇതിന്. കണ്ടെത്തലുകള്‍ എല്ലാവരും അംഗീകരിക്കണം, അശാന്തിയുടെ പ്രഭവകേന്ദ്രമായ ലെസ്റ്ററിലെ ബെല്‍ഗ്രേവ് റോഡിലെ ബോബിസ് റെസ്റ്റോറന്റ് ഉടമ ധര്‍മേഷ് ലഖാനി പറഞ്ഞു.

സര്‍ക്കാരിന്റെ നേതൃത്വത്തില്‍ അവലോകനം നടക്കുന്നുവെന്നറിഞ്ഞപ്പോള്‍ സന്തോഷമുണ്ട്. ഞങ്ങള്‍ അതിനെ പൂര്‍ണമായി പിന്തുണയ്ക്കും. ഞങ്ങള്‍ ഇത് ആവശ്യപ്പെട്ടിരുന്നു. ഇനിയും അശാന്തി പടരാനുള്ള സാധ്യതയുണ്ടായിരുന്നു, അതുകൊണ്ടാണ് ഇത് ആവര്‍ത്തിക്കാതിരിക്കാന്‍ ശരിയായ അന്വേഷണം ആവശ്യമെന്നും അദ്ദേഹം പറഞ്ഞു.ഈ അന്വേഷണം എല്ലാ വസ്തുതകളും പുറത്തുകൊണ്ടുവരുമെന്ന് പ്രതീക്ഷിക്കുന്നതായി ബ്രിട്ടണിലെ ഹിന്ദു ഫോറം പ്രസിഡന്റ് തൃപ്തി പട്ടേല്‍ പറഞ്ഞു.

ഇത് സര്‍ക്കാരിന്റെ നേതൃത്വത്തിലുള്ള അന്വേഷണമായതിനാല്‍ മറ്റേതൊരു അന്വേഷണത്തേക്കാളും ജനങ്ങള്‍ക്ക് ഇതില്‍ വിശ്വാസമുണ്ടാകും. നമ്മുടെ കമ്മ്യൂണിറ്റികള്‍ക്ക് ആശ്വാസം ലഭിക്കുന്നുണ്ടെന്ന് നാമെല്ലാവരും ഉറപ്പാക്കേണ്ടതുണ്ട്. ആ സ്വതന്ത്ര പാനലില്‍ ആരൊക്കെയുണ്ടാകും എന്നറിയുന്നതാണ് രസകരമായ കാര്യം. കണ്‍സര്‍വേറ്റീവ് കൗണ്‍സിലര്‍ ഹേമന്ത് ഭാട്ടിയ പറഞ്ഞു.