മോസ്‌കോ:  അറസ്റ്റിലായ യുഎസ് റിപ്പോര്‍ട്ടറുടെ പ്രവര്‍ത്തനങ്ങള്‍ മാധ്യമപ്രവര്‍ത്തനവുമായി ബന്ധപ്പെട്ടതല്ലെന്ന് റഷയുടെ അവകാശവാദം. തടവിലാക്കിയ വാള്‍സ്ട്രീറ്റ് ജേര്‍ണല്‍ റിപ്പോര്‍ട്ടര്‍ ഇവാന്‍ ഗെര്‍ഷ്‌കോവിച്ചിന്റെ പ്രവര്‍ത്തനങ്ങള്‍ക്ക് മാധ്യമപ്രവര്‍ത്തനവുമായി യാതൊരു ബന്ധവുമില്ലെന്ന് റഷ്യന്‍ വിദേശകാര്യ മന്ത്രാലയ വക്താവ് മരിയ സഖരോവ അവകാശപ്പെട്ടു.

'ദി വാള്‍ സ്ട്രീറ്റ് ജേണലിന്റെ അമേരിക്കന്‍ പതിപ്പിലെ ഒരു ജീവനക്കാരന്‍ യെക്കാറ്റെറിന്‍ബര്‍ഗില്‍ ചെയ്തിരുന്ന കാര്യങ്ങള്‍ക്ക് പത്രപ്രവര്‍ത്തനവുമായി ഒരു ബന്ധവുമില്ല,' സഖരോവ ടെലിഗ്രാമില്‍ പറഞ്ഞു.

നിര്‍ഭാഗ്യവശാല്‍ ഇതാദ്യമായല്ല നമ്മുടെ രാജ്യത്തെ വിദേശികള്‍ വിദേശ ലേഖകന്‍ എന്ന പദവിയും പത്രപ്രവര്‍ത്തന വിസയും അക്രഡിറ്റേഷനും പത്രപ്രവര്‍ത്തനമല്ലാത്ത പ്രവര്‍ത്തനങ്ങള്‍ മറച്ചുവെക്കാന്‍ ഉപയോഗിക്കുന്നതെന്നും അവര്‍ പറഞ്ഞു. ഇത്തരം പ്രവൃത്തികള്‍ക്ക് കയ്യോടെ പിടികൂടുന്ന ആദ്യത്തെ പാശ്ചാത്യന്‍ ഇയാളല്ലെന്നും അവര്‍ കൂട്ടിച്ചേര്‍ത്തു.

റഷ്യയുടെ സുരക്ഷാ സേവനമായ എഫ്എസ്ബി വ്യാഴാഴ്ച ഗെര്‍ഷ്‌കോവിച്ചിനെ യുറല്‍സ് നഗരമായ യെക്കാറ്റെറിന്‍ബര്‍ഗില്‍ തടഞ്ഞുവച്ചതായി അറിയിച്ചു. അദ്ദേഹം അമേരിക്കന്‍ ഭാഗത്തുനിന്നുള്ള നിര്‍ദ്ദേശങ്ങള്‍ക്കനുസൃതമായി പ്രവര്‍ത്തിക്കുന്നുവെന്നും അമേരിക്കന്‍ റിപ്പോര്‍ട്ടര്‍ റഷ്യന്‍ സൈനിക വ്യാവസായിക സമുച്ചയത്തിന്റെ പ്രവര്‍ത്തനങ്ങളെക്കുറിച്ച് രഹസ്യങ്ങള്‍ ഉള്‍ക്കൊള്ളുന്ന വിവരങ്ങള്‍ ശേഖരിച്ചുവെന്നും പറയപ്പെടുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്