മുംബൈ: റഫാല്‍ യുദ്ധവിമാനം പറത്തിയ ആദ്യ വനിതാ പൈലറ്റായി ഫ്‌ലൈറ്റ് ലെഫ്റ്റനന്റ് ശിവാംഗി സിംഗ്.ഫ്രാന്‍സിലെ ഓറിയോണ്‍ യുദ്ധാഭ്യാസത്തില്‍ പങ്കെടുത്ത ഇന്ത്യന്‍ എയര്‍ഫോഴ്‌സ് സംഘത്തിന്റെ ഭാഗമായിരുന്നു ശിവാംഗി. റാഫേല്‍ സ്‌ക്വാഡ്രണിലെ ആദ്യത്തെ വനിതാ യുദ്ധവിമാന പൈലറ്റായ ശിവാംഗി പഞ്ചാബിലെ അംബാല ആസ്ഥാനമായുള്ള എയര്‍ഫോഴ്‌സിന്റെ ഗോള്‍ഡന്‍ ആരോസ് സ്‌ക്വാഡ്രണിന്റെ ഭാഗമാണ്.

'മിഗ്-21 ബൈസണ്‍ വിമാനമായാലും റാഫേല്‍ യുദ്ധവിമാനമായാലും ഓരോ ഘട്ടത്തിലും ഞാന്‍ പുതിയ ഓരോ പഠിക്കുന്നു.'ഇന്ത്യാ ടുഡേയ്ക്ക് നല്‍കിയ പ്രത്യേക അഭിമുഖത്തില്‍ ശിവാംഗി സിംഗ് പറഞ്ഞു. ഉത്തര്‍പ്രദേശിലെ വാരണാസി സ്വദേശിയായ ശിവാംഗി സിംഗ് 2017ല്‍ ഇന്ത്യന്‍ വ്യോമസേനയില്‍ ചേരുകയും ഐഎഎഫിന്റെ വനിതാ യുദ്ധവിമാന പൈലറ്റുമാരുടെ രണ്ടാം ബാച്ചിലേക്ക് കമ്മീഷന്‍ ചെയ്യുകയും ചെയ്തു. 

2020-ല്‍ കര്‍ശനമായ തിരഞ്ഞെടുപ്പ് പ്രക്രിയയ്ക്ക് ശേഷം റഫാല്‍ പൈലറ്റായി തിരഞ്ഞെടുക്കപ്പെട്ട ശേഷം, റഫാല്‍ പറത്തുന്ന ആദ്യത്തെ വനിതാ യുദ്ധവിമാന പൈലറ്റായി ശിവാംഗി സിംഗ്.

റഫേല്‍ പറക്കുന്നതിന് മുമ്പ് മിഗ്-21 ബൈസണ്‍ വിമാനം ശിവാംഗി പറത്തിയിരുന്നു. റാഫേല്‍ ജെറ്റുകളുടെ ആദ്യ ബാച്ച് 2020 ജൂലൈ 29 ന് ഇന്ത്യയിലെത്തി, ഫ്രാന്‍സില്‍ നിന്നുള്ള 36 ഇന്ത്യന്‍ എയര്‍ഫോഴ്സിന്റെ (IAF) അവസാനത്തെ റാഫേല്‍ യുദ്ധവിമാനങ്ങള്‍ കഴിഞ്ഞ വര്‍ഷം ഡിസംബറില്‍ ലാന്‍ഡ് ചെയ്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്