പെറു:  ഇക്വഡോറിലും പെറുവിലുമുണ്ടായ ഭൂകമ്പത്തില്‍ മരണം 15 ആയതായി റിപ്പോര്‍ട്ട്. 126 പേര്‍ക്ക് പരിക്കേറ്റിട്ടുണ്ട്. അവശിഷ്ടങ്ങള്‍ക്കിടയില്‍ കുടുങ്ങിയവരെ പുറത്തെടുക്കാനുള്ള ശ്രമങ്ങള്‍ പുരോഗമിക്കുകയാണ്. അവശിഷ്ടങ്ങളും വീണ വൈദ്യുതി ലൈനുകളും നിറഞ്ഞ തെരുവുകളിലേക്ക് രക്ഷാപ്രവര്‍ത്തകരെ അയച്ചു.

റിക്ടര്‍ സ്‌കെയിലില്‍ 6.9 തീവ്രത രേഖപ്പെടുത്തിയ ഭൂചലനമാണ് ഇക്വഡോറില്‍ ഉണ്ടായത്. യുഎസ് ജിയോളജിക്കല്‍ സര്‍വേയുടെ കണക്കനുസരിച്ച്, ഇക്വഡോറിലെ രണ്ടാമത്തെ വലിയ നഗരമായ ഗ്വായാക്വിലില്‍ നിന്ന് ഏകദേശം 50 മൈല്‍ (80 കിലോമീറ്റര്‍) തെക്ക് പസഫിക് തീരത്തിനടുത്താണ് 6.8 തീവ്രത രേഖപ്പെടുത്തിയ ഭൂചലനം ഉണ്ടായത്. ഭൂകമ്പത്തില്‍ പെറുവില്‍ ഒരാളും ഇക്വഡോറില്‍ 14 പേരും മരിച്ചു, 126 പേര്‍ക്ക് പരിക്കേറ്റതായി പ്രാദേശിക അധികാരികള്‍ റിപ്പോര്‍ട്ട് ചെയ്തു.

ഭൂകമ്പം ജനസംഖ്യയില്‍ ആശങ്ക സൃഷ്ടിച്ചു എന്ന് ഇക്വഡോര്‍ പ്രസിഡന്റ് ഗില്ലെര്‍മോ ലാസ്സോ മാധ്യമപ്രവര്‍ത്തകരോട് പറഞ്ഞു. ഇരകളില്‍ 12 പേര്‍ തീരദേശ സംസ്ഥാനമായ എല്‍ ഓറോയിലും രണ്ട് പേര്‍ ഉയര്‍ന്ന പ്രദേശമായ അസുവായ് സംസ്ഥാനത്തും മരിച്ചതായി ലാസ്സോയുടെ ഓഫീസ് പ്രസ്താവനയില്‍ പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്