പുഴുക്കലരി - ഒരു കപ്പ്‌

പച്ചരി - മുക്കാല്‍ കപ്പ്‌

ഉഴുന്ന് പരിപ്പ് - ഒരു ടേബിള്‍ സ്പൂണ്‍

പഞ്ചസാര - 3 ടീസ്പൂണ്‍

യീസ്റ്റ് - ഒരു നുള്ള്

ഉപ്പ്

തേങ്ങാ വെള്ളം - ഒരു കപ്പ്‌

അരിയും ഉഴുന്നും ഒന്നിച്ചാക്കി 5 മണിക്കൂര്‍ കുതിര്‍ത്ത് വെക്കുക.

ഇത് കഴുകി ഊറ്റിയെടുത്ത് പഞ്ചസാരയും തേങ്ങാ വെള്ളവും ചേര്‍ത്ത് നല്ല മയത്തില്‍ അരച്ചെടുക്കുക.

യീസ്റ്റും ആവശ്യത്തിനു ഉപ്പും ആവശ്യമെങ്കില്‍ കുറച്ചു വെള്ളവും ചേര്‍ത്ത് ഇഡ്ഡലി മാവിന്റ്റെ അയവില്‍ കലക്കി വെക്കുക.

ഒരു മൂടി കൊണ്ട് നന്നായി അടച്ച് പൊങ്ങാനായി മാറ്റിവെക്കുക.( 7-8 മണിക്കൂര്‍ ).

വട്ടത്തില്‍ ഉള്ള ചെറിയ സ്റ്റീല്‍ പാത്രങ്ങളിലോ ഇഡ്ഡലി തട്ടിലോ അല്പം നെയ്യ് തടവി, 

മുക്കാല്‍ ഇഞ്ച്‌ കനത്തില്‍ മാവ് കോരിയൊഴിച്ച് ആവി വരുന്ന അപ്പചെമ്പില്‍ വെച്ച് വേവിച്ചെടുക്കുക.

മധുര കൂട്ട് (ചെറുപഴം - തേങ്ങാപാല്‍ )ഒഴിച്ച് കഴിക്കാം.

റെസിപി - 2

ബസ്മതി അരി - ഒരു കപ്പ്‌

ചോറ് - 2 തവി നിറയെ

പഞ്ചസാര - ഒരു ടീസ്പൂണ്‍

പപ്പടം - 1 , ചെറുതായി മുറിച്ചത്

യീസ്റ്റ് - അര ടീസ്പൂണ്‍ ( കുറച്ചു ഇളം ചൂട പാലില്‍ കലക്കി വെക്കുക ).

ഉപ്പ്

ബസ്മതി അരി 5 മണിക്കൂര്‍ കുതിര്‍ത്ത് വെക്കുക.

അരി കഴുകി ഊറ്റിയെടുക്കുക .ഇതിലേക്ക് ചോറും പപ്പടവും യീസ്റ്റ് മിശ്രിതവും പഞ്ചസാരയും ചേര്‍ത്ത് നന്നായി യോജിപ്പിച്ച് 2-4 മണിക്കൂര്‍ മാറ്റി വെക്കുക.

ആവശ്യത്തിനു വെള്ളം ചേര്‍ത്ത് നല്ല മയത്തില്‍ അരച്ചെടുക്കുക. 

ഇഡ്ഡലി മാവിന്റെ അയവില്‍ കലക്കി വെക്കുക.

ഒരു മൂടി കൊണ്ട് നന്നായി അടച്ച് ഒരു രാത്രി മുഴുവന്‍ പൊങ്ങാനായി മാറ്റി വെക്കുക.

നെയ്യ് തടവിയ ചെറിയ സ്റ്റീല്‍ പാത്രത്തില്‍ മുക്കാല്‍ ഇഞ്ച്‌ കനത്തില്‍ ഒഴിച്ച് ആവി വരുന്ന അപ്പ ചെമ്പില്‍ വേവിച്ചെടുക്കുക.

ചെറുപഴം തേങ്ങാ പാല്‍ കൂട്ട്

കട്ടി തേങ്ങാ പാല്‍ - 2 കപ്പ്‌

നന്നായി പഴുത്ത ചെറുപഴം ( മൈസൂര്‍ അല്ലെങ്കില്‍ പൂവന്‍ ) - 6

പഞ്ചസാര - ആവശ്യത്തിന്

ഉപ്പ് - ഒരു നുള്ള്

ഏലക്ക പൊടി - ഒരു നുള്ള്

പഴം കൈ കൊണ്ട് നന്നായി ഉടച്ചെടുക്കുക

ഇതിലേക്ക് തേങ്ങാ പാലും ബാകിയുള്ള ചേരുവകളും ചേര്‍ത്ത് യോജിപ്പിച്ച് പോളയോടൊപ്പം കഴിക്കാം

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്