കനേഡിയൻ ഡയറി നയത്തിനെതിരെ  വ്യാപാര പരാതി ഫയൽ ചെയ്ത് അമേരിക്ക.  കാനഡ ഉപയോഗിക്കുന്ന താരിഫ്നെച്ചൊല്ലി ഇരു രാജ്യങ്ങളും തമ്മിൽ വർഷങ്ങളായി നിലനിൽക്കുന്ന നിയമപോരാട്ടത്തിന്റെ പുതിയ വഴിത്തിരിവാണിത്.

കഴിഞ്ഞയാഴ്ച ഒട്ടാവ പ്രഖ്യാപിച്ച ഡയറി ക്വാട്ട സമ്പ്രദായത്തിലെ മാറ്റങ്ങൾ ദീർഘകാല പരാതികൾ പരിഹരിക്കുന്നില്ലെന്നും വ്യാപാര കരാർ ലംഘിക്കുന്നുവെന്നും പരാതിയിൽ പറയുന്നു.യു.എസ്-മെക്സിക്കോ-കാനഡ കരാർ (യുഎസ്എംസിഎ) പ്രകാരം  തർക്ക പരിഹാര കൺസൾട്ടേഷനുകൾ നടത്തണമെന്നും വാഷിംഗ്ടൺ അഭ്യർത്ഥിച്ചു.

നോർത്ത് അമേരിക്കൻ ഫ്രീ ട്രേഡ് എഗ്രിമെന്റിന് പകരമായി യുണൈറ്റഡ് സ്‌റ്റേറ്റ്‌സ്-മെക്‌സിക്കോ-കാനഡ ഉടമ്പടി പ്രകാരം അംഗീകരിച്ച ട്രൂഡോ ഗവൺമെന്റിന്റെ  പ്രത്യേക ഇറക്കുമതി ക്വാട്ടകൾ അനുവദിച്ചതിനെക്കുറിച്ചുള്ള 2020 ലെ തർക്കവുമായി ബന്ധപ്പെട്ടതാണ് പുതിയ പരാതി.

പുതിയ നയത്തിൽ താൻ വളരെയധികം വിഷമിക്കുകയാണെന്ന് യുഎസ് വ്യാപാര പ്രതിനിധി കാതറിൻ തായ് പറഞ്ഞു. യു.എസ്. തൊഴിലാളികൾ, നിർമ്മാതാക്കൾ, കർഷകർ, കയറ്റുമതിക്കാർ എന്നിവർക്ക് യുഎസ്എംസിഎയ്ക്ക് കീഴിൽ ലഭിക്കുന്ന മാർക്കറ്റ് ആക്‌സസ്സിന്റെ മുഴുവൻ പ്രയോജനവും  ഈ നയം തടയുന്നു.യുഎസ് ട്രേഡ് പ്രതിനിധി കാതറിൻ തായ് പ്രസ്താവനയിൽ പറഞ്ഞു.

കാനഡയുടെ നയങ്ങൾ, പാൽ, വെണ്ണ, തൈര്, ഐസ്ക്രീം എന്നിവയുൾപ്പെടെയുള്ള അമേരിക്കൻ ഡയറി കയറ്റുമതിയുടെ വലിയൊരു പങ്ക് കനേഡിയൻ പ്രോസസറുകളിലേക്ക് പരിമിതപ്പെടുത്തുന്നു, ഇത് താരിഫ് റേറ്റ് ക്വാട്ട (TRQs) എന്നറിയപ്പെടുന്ന ഒരു സംവിധാനത്തിന് കീഴിലാണ്. ഇത് യുഎസ് നിർമ്മാതാക്കൾക്ക് വിപണി പ്രവേശനം നിയന്ത്രിക്കുമെന്ന് യുഎസ് ഉദ്യോഗസ്ഥർ പറയുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്