ലോകത്തിന്റെ ഏത് കോണിൽ പോയാലും അവിടെ ഒരു മലയാളിയും അവരുടെ കയ്യൊപ്പും ഉണ്ടാകുമെന്നത് പൊതുവിൽ അംഗീകരിക്കപ്പെട്ട ഒരു സത്യമാണ്. കേരള മണ്ണിൽ ജനിച്ച് വളർന്ന് ആഗോള നേട്ടങ്ങളും, പ്രശസ്തിയും സ്വന്തമാക്കിയ നിരവധിപേരെ നമുക്കറിയാം. അത്തരത്തിൽ കേരളത്തിലെ ഒരു ഗ്രാമീണ ബാലനിൽ നിന്ന്, ഹൃദയ സംബന്ധമായ മരണങ്ങൾ 50 ശതമാനം കുറയ്ക്കുന്നതിനുള്ള ആഗോള ശ്രമങ്ങൾക്ക് മേൽനോട്ടം വഹിക്കുന്ന ഒരു വ്യക്തിയെ ഇന്ന് പരിചയപ്പെടാം. 

അന്താരാഷ്ട്ര തലത്തിൽ പ്രശസ്തിയാർജിച്ച ഹൃദ്രോഗ ചികിത്സാ വിദഗ്ധനും 40 വർഷമായി ഈ മേഖലയിലെ ഗവേഷണ രംഗത്ത് ശ്രദ്ധേയമായ സംഭാവനകൾ നൽകിയ ഡോക്ടർ സലിം യൂസഫ്. ലോകത്തിലെ ഏറ്റവും മികച്ച എകെഎംജി അംഗങ്ങളിൽ ഒരാളാണ് സലിം യൂസഫ്. യുകെ, യുഎസ്, കാനഡ എന്നിവിടങ്ങളിലായി നാല് പതിറ്റാണ്ടിലേറെയായി യൂസഫ് ക്ലിനിക്കൽ ഗവേഷണം നടത്തുന്നു. 

ഹൃദ്രോഗരോഗികളുടെ മരണനിരക്ക് കുറയ്ക്കുന്നതിനുള്ള ബീറ്റാബ്ലോക്കറുകൾ, ആസ്പിരിൻ, ത്രോംബോളിറ്റിക് തെറാപ്പി, ആന്റിത്രോംബോട്ടിക്‌സ്, എസിഇ ഇൻഹിബിറ്ററുകൾ എന്നിവയുടെ കഴിവ് ഈ കണ്ടെത്തലുകളിൽ ഉൾപ്പെടുന്നു. ഹൃദ്രോഗം തടയുന്നതിനുള്ള കോമ്പിനേഷൻ ഡ്രഗ് ട്രീറ്റ്‌മെന്റുകൾ എന്ന ആശയവും അദ്ദേഹം നിർദ്ദേശിച്ചു. ഇതിനെ ഇപ്പോൾ പോളിപിൽ ആശയം എന്ന് വിളിക്കുന്നു. മൂന്നു തരത്തിലുള്ള മരുന്നുകളുടെ മിശ്രിതമാണ് സാധാരണ പോളിപിൽ എന്ന നാമത്തിലറിയപ്പെടുന്നത്. ദിവസേന ഒരു പോളിപിൽ വീതം കഴിക്കുന്നത് രോഗികളിൽ ഹൃദയാഘാതവും പക്ഷാഘാതവും തടയുന്നതിന് സഹായകമാകുമെന്ന് കണ്ടെത്തി. 

ഇന്ന് ജനവാസമുള്ള എല്ലാ ഭൂഖണ്ഡങ്ങളിലായി 60ലധികം രാജ്യങ്ങളിൽ യൂസഫ് ആഗോള പഠനത്തിന് നേതൃത്വം നൽകുന്നു. ഇന്റർഹാർട്ട്, ഇന്റർസ്‌ട്രോക്ക്, പ്യൂർ തുടങ്ങിയ പ്രോഗ്രാമുകൾക്ക് പേരുകേട്ട അദ്ദേഹത്തിന്റെ പ്രവർത്തനം ഹൃദയധമനികളുടെ പ്രതിരോധത്തെക്കുറിച്ചുള്ള മെഡിക്കൽ കമ്മ്യൂണിറ്റിയുടെ അറിവ് വളരെയധികം മെച്ചപ്പെടുത്തി.

മെഡിക്കൽ രംഗത്തിന് നൽകിയ സംഭാവനകൾ പരിഗണിച്ച് 2022 മാർച്ചിൽ ഡോ. യൂസഫിനെ അഭിമാനകരമായ കില്ലം പ്രൈസ് (100,000 ഡോളർ) നൽകി ആദരിച്ചു. ലോകത്തിലെ എല്ലാ പ്രധാന കാർഡിയാക് സൊസൈറ്റികളിൽ നിന്നും യൂസഫിന് മികച്ച അവാർഡുകൾ നൽകി ആദരിച്ചിട്ടുണ്ട്. ഓർഡർ ഓഫ് കാനഡ ബഹുമതിക്കും അർഹനായിട്ടുണ്ട്. 2005ൽ റോയൽ സൊസൈറ്റി ഓഫ് കാനഡ ഫെലോയായും തെരഞ്ഞെടുക്കപ്പെട്ടിരുന്നു. കാനഡഗെയർഡ്‌നർ സമ്മാനത്തിനും അർഹനായി. 

ഡോ. യൂസഫിന് നാല് ഓണററി ഡോക്ടറേറ്റ് ബിരുദങ്ങളുണ്ട്. നിലവിൽ കാർഡിയോ വാസ്‌കുലാർ മെഡിസിനിൽ ഏറ്റവും കൂടുതൽ ഉദ്ധരിക്കപ്പെട്ട ശാസ്ത്രജ്ഞനും ചരിത്രത്തിൽ ഏറ്റവുമധികം ഉദ്ധരിച്ച 20 ആരോഗ്യ ഗവേഷകരിൽ ഒരാളുമാണ് . ഹാമിൽട്ടണിൽ അദ്ദേഹം പോപ്പുലേഷൻ ഹെൽത്ത് റിസർച്ച് ഇൻസ്റ്റിറ്റിയൂട്ട് സ്ഥാപിച്ചു. ഇവിടെ 100 രാജ്യങ്ങളിൽ നിന്നായി പഠനം നടത്തുന്ന 300 ഗവേഷകരുണ്ട്. വിവിധ ജേണലുകളിലായി 1200 ഓളം പ്രബന്ധങ്ങളും പുറമേ,പുസ്തകങ്ങളും ഇദ്ദേഹം പ്രസിദ്ധീകരിച്ചിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്