കോവിഡിന്റെ രണ്ടാംതരംഗം സമ്പദ്ഘടന കൂടുതല് മുറിവേല്ക്കില്ല കേന്ദ്ര ധനമന്ത്രാലയം. ഏപ്രില് മാസത്തെ സാമ്പത്തിക അവലോകന റിപ്പോര്ട്ടിലാണ് മന്ത്രാലയത്തിന്റെ നിരീക്ഷണം.അതേസമയം, കോവിഡിന്റെ രണ്ടാംവ്യാപനം 2021-22 സാമ്പത്തികവര്ഷത്തിന്റെ ആദ്യപാദത്തില് സമ്പദ്ഘടനയെ ദോഷകരമായി ബാധിക്കുമെന്നും നിഗമനമുണ്ട് . കഴിഞ്ഞ വര്ഷത്തെ കോവിഡ്-19 മഹാമാരിയില് സമ്പദ്ഘടന കൂപ്പ് കുത്തിയിരുന്നു . രണ്ടാം പകുതിയോടെ തളര്ച്ച ഏറെക്കുറെ മറികടക്കാന് കഴിഞ്ഞിരുന്നു. സാമ്പത്തികപ്രവര്ത്തനങ്ങള് പുനരുജ്ജീവിപ്പിച്ചതോടെയാണ് സ്ഥിതി മെച്ചപ്പെട്ടതെന്നും റിപ്പോര്ട്ട് ചൂണ്ടിക്കാട്ടുന്നു.
2020-21ലെ അറ്റ പരോക്ഷനികുതി പിരിവ് പുതുക്കിയ മതിപ്പിനേക്കാള് 8.2ശതമാനം അധികമായിരുന്നു. 2019-20ലെ വരുമാനത്തേക്കാള് 12.3ശതമാനം അധികവുമാണ് നേടാനായത്.
കഴിഞ്ഞ ആറുമാസമായി പ്രതിമാസ ജിഎസ്ടി വരുമാനം ഒരുലക്ഷം കോടിയിലധികമാണ്.ഏപ്രിലില് റെക്കോഡ് വരുമാനമായ 1.41 ലക്ഷം കോടി രൂപയാണ് നേടിയത് . നിരന്തരമായ സാമ്പത്തിക വീണ്ടെടുക്കലിന്റെ ഉദാഹരണമാണിതെന്നാണ് ധനമന്ത്രാലയo വിലയിരുത്തുന്നു .
2020 നേക്കാള് കയറ്റുമതി 197 ശതമാനവും 2019 നേക്കാള് 16ശതമാനവും വര്ധിച്ചു. രാജ്യത്ത് നിര്മ്മിക്കുന്നതിന് പ്രോത്സാഹനം നല്കുന്നതിനായി അവതരിപ്പിച്ച പിഎല്ഐ സ്കീമിന്റെ ഗുണം ഭാവിയില് ലഭിക്കുമെന്നാണ് പ്രതീക്ഷ.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്