അദാനി ഗ്രൂപ്പിന്റെ 20,000 കോടി രൂപയുടെ എഫ്പിഒ പിന്‍വലിച്ചത് രാജ്യത്തിന്റെ സമ്പദ്വ്യവസ്ഥയുടെ പ്രതിച്ഛായയെ ബാധിച്ചിട്ടില്ലെന്ന് ധനമന്ത്രി

FEBRUARY 4, 2023, 6:19 PM

ഡല്‍ഹി: ഹിന്‍ഡന്‍ബര്‍ഗിന്റെ ആരോപണത്തെ തുടര്‍ന്ന് പ്രതിസന്ധിയിലായ അദാനി ഗ്രൂപ്പിനെ കുറിച്ച് ദിനംപ്രതി പുതിയ വാര്‍ത്തകളാണ് പുറത്തുവരുന്നത്. അതിനിടെ ഫെബ്രുവരി രണ്ടിന് ഗൗതം അദാനി എഫ്പിഒ പിന്‍വലിച്ചത് എല്ലാവരെയും അത്ഭുതപ്പെടുത്തിയിരുന്നു.

അതേസമയം, അദാനി ഗ്രൂപ്പിന്റെ 20,000 കോടി രൂപയുടെ എഫ്പിഒ പിന്‍വലിച്ചത് രാജ്യത്തിന്റെ മാക്രോ ഇക്കണോമിക് അടിസ്ഥാനങ്ങളെയും സമ്പദ്വ്യവസ്ഥയുടെ പ്രതിച്ഛായയെയും ബാധിച്ചിട്ടില്ലെന്ന് ധനമന്ത്രി നിര്‍മ്മല സീതാരാമന്‍ ശനിയാഴ്ച പറഞ്ഞു.

നമ്മുടെ മാക്രോ ഇക്കണോമിക് അടിസ്ഥാനങ്ങളെയോ നമ്മുടെ സമ്പദ്വ്യവസ്ഥയുടെ പ്രതിച്ഛായയെയോ ഇവയൊന്നും ബാധിച്ചിട്ടില്ല, ബജറ്റിന് ശേഷമുള്ള വാര്‍ത്താ സമ്മേളനത്തില്‍ ധനമന്ത്രി പറഞ്ഞു. എഫ്പിഒകള്‍ (ഫോളോ-ഓണ്‍ പബ്ലിക് ഓഫറുകള്‍) വന്നുകൊണ്ടിരിക്കുന്നു, എഫ്ഐഐകള്‍ പുറത്തുകടക്കുന്നു, അദാനി കേസില്‍ റെഗുലേറ്റര്‍മാര്‍ അവരുടെ ജോലി ചെയ്യുമെന്ന് ധനമന്ത്രി പറഞ്ഞു. സെക്യൂരിറ്റീസ് ആന്‍ഡ് എക്സ്ചേഞ്ച് ബോര്‍ഡ് ഓഫ് ഇന്ത്യ (സെബി)ക്ക് വിപണികളുടെ സ്ഥിരത ഉറപ്പാക്കാനുള്ള മാര്‍ഗങ്ങളുണ്ട്.